پارلامەنتتە ساياسي پارتيالاردىڭ وكىلدىگى 2 ەسە ءوستى
«پارلامەنت دەپۋتاتتارىنىڭ كەزەكتەن تىس سايلاۋى وتكەن جىلدىڭ ماۋسىم ايىندا بولعان رەسپۋبليكالىق رەفەرەندۋمداعى جالپىحالىقتىق داۋىس بەرۋ ناتيجەلەرى بويىنشا باستالعان ۇلكەن ەلدىك سايلاۋ سيكلىن اياقتايدى. كونستيتۋتسيالىق رەفورمانىڭ قورىتىندىلارى بويىنشا بيلىكتىڭ وكىلدى تارماعىن قالىپتاستىرۋدىڭ جاڭا باسەكەلەستىك ەرەجەلەرى زاڭمەن راسىمدەلدى. سايلاۋدى وتكىزۋدىڭ جاڭا فورماتى مۇددەلى ازاماتتاردىڭ ساياسي قاتىسۋ مۇمكىندىگىن ەداۋىر كەڭەيتتى جانە سايلاۋ سالاسىن جانداندىردى. پارتيالىق تىزىمدەر بويىنشا جانە ءبىر مانداتتىق وكرۋگتەردە سايلاۋ ارقىلى پارلامەنت ءماجىلىسىن قالىپتاستىرۋ سايلاۋشىلارعا ساياسي پارتيالاردىڭ پلاتفورمالارىنا دا، ناقتى كانديداتۋرالارعا دا داۋىس بەرۋگە مۇمكىندىك بەردى»، - دەدى ول و س ك وتىرىسىندا.
ونىڭ اتاپ وتۋىنشە، سايلاۋالدى جارىسقا قاتىسقان بارلىق پارتيا جاڭا كرەاتيۆتى شەشىمدەر تاۋىپ، ۇگىت كەزەڭىندە ازاماتتارعا ءوز باعدارلامالارىنىڭ مىقتى تۇستارىن كورسەتە الدى.
«وتكەن سايلاۋ ناتيجەسىندە پارلامەنتتە ساياسي پارتيالاردىڭ وكىلدىگى الدىڭعى سايلاۋمەن سالىستىرعاندا 3 تەن 6 عا دەيىن 2 ەسە ءوستى. 29 دەپۋتات وڭىرلەردەن سايلاۋشىلاردىڭ مۇددەلەرىن بىلدىرەدى جانە ولارمەن ينتەراكتيۆتى ماندات ارقىلى بايلانىستى. وسىلايشا، سايلاۋ باسەكەلەستىك جانە اشىقتىق قاعيداتتارىندا ءوتتى. ولاردىڭ قورىتىندىلارى بويىنشا پارلامەنت ءماجىلىسىنىڭ دەپۋتاتتىق كورپۋسى ايتارلىقتاي جاڭارتىلدى»، - دەدى نۇرلان ءابدىروۆ.
بۇعان دەيىن ورتالىق سايلاۋ كوميسسياسى پارلامەنت ءماجىلىسىنىڭ 8-سايلانىمى دەپۋتاتتارىن تىركەگەنىن جازعان ەدىك.