اۋليەكولدە بويى 2 مەتردەن اساتىن قىز تۇرادى
قوستاناي وبلىسىنىڭ اۋليەكول اۋدانىندا تۇراتىن ارۋجان يشانبەكوۆا - قازاقستانداعى ەڭ بويشاڭ ارۋلاردىڭ ءبىرى.
17 جاستاعى ستۋدەنتتىڭ بويى ەكى مەتردەن اسادى. 8-ناۋرىز مەرەكەسى قارساڭىندا ارۋجان اناسىمەن بىرگە وسى ەرەكشەلىگى تۋرالى NUR. KZ تىلشىسىنە سۇحبات بەرگەن.
ارۋجان كوللەدجدە «دەنە شىنىقتىرۋ» ماماندىعىندا 2-كۋرستا وقيدى. ايتۋىنشا، بويى سوڭعى رەت ولشەگەنىندە 2,2 مەتر بولعان.
سونداي-اق ول اۋليەكولدە ۆولونتەرلىكپەن اينالىسادى. ايتۋىنشا، ەرىكتى رەتىندە تالاي ءىس-شاراعا قاتىسقان.
ءبىز ۇيدە جەتى اعايىندىمىز، مەن - وتباسىندا بەسىنشى بالامىن. بويىم اكەمە تارتقان. ول كىسىنىڭ بويى - 1 م 95 س م. ەكى اعام دا بويشاڭ، ءبىراق ولار مەنەن الاسا، - دەيدى ارۋجان.
ايتۋىنشا، بويشاڭدىعى كەيدە وزىنە ىڭعايسىزدىق تۋدىراتىن كورىنەدى.
كەيدە ىڭعايسىز جاعدايلار بولادى. كوشەدە كورگەن ادامدار ماعان بىردەن نازار اۋدارادى، سۋرەتكە تۇسەيىك دەپ ءجيى ايتىپ جاتادى. سوسىن كيىم جاعى وتە قيىن، تاپسىرىسپەن تىكتىرەمىن، - دەيدى ول.
ارۋجان مەكتەپتە وقىپ جۇرگەن كەزىندە بوكس سەكسياسىنا بارعان. ۆولەيبول، شاحماتتى دا جاقسى وينايتىنىن ايتادى. ارۋجان دۇنيەگە كەلگەندە سالماعى مەن بويى جاعىنان ءوز اعالارى جانە اپكەسىنەن اسىپ تۋعان. بۇل تۋرالى ونىڭ اناسى ايتىپ بەردى.
ارۋجان الدىڭعى بالالارىمنان ەرەكشە بولىپ دۇنيەگە كەلدى. تۋعان كەزدە بويى - 54 سانتيمەتر، سالماعى - 5,8 كەلى بولدى. ارۋجان اكەسىنە ۇقساعان. اكەسى جاعىنان بويشاڭ تۋىستارىمىز بار. ءبىزدىڭ اۋلەتتە ەڭ بويشاڭى - ارۋجان. اعالارىنىڭ بويى ونىكىنە جەتپەيدى، ولاردىڭ بويى - 1,89-1,90 مەتر، - دەيدى اناسى، كۇمىس القا يەگەرى جاڭاگۇل.
جەتى بالانى دۇنيەگە اكەلگەن ارۋجاننىڭ اناسى، سونداي-اق، قىزىمەن ماقتاناتىنىن جەتكىزدى.
قىزىممەن ماقتانامىن. وسىنداي سۇحبات بەرگەنىمىزگە قۋانىشتىمىز. ارۋجان بولاشاقتا مودەل بولعىسى كەلەدى. ءبىز دە ونىڭ ارمانى ورىندالسا ەكەن دەيمىز. ءبىراق ونىڭ جانىندا دەمەپ جۇرەتىن جاعداي جوق. مەن ۇيدە بالا تاربيەسىمەن اينالىسامىن، ال اكەسىنىڭ دەنساۋلىعى وعان مۇمكىندىك بەرمەيدى، - دەيدى جاڭاگۇل.
ايتا كەتسەك، بىلتىر قوستاناي وبلىسىندا بولعان ءورت كەزىندە ارۋجاننىڭ وتباسى دا اۋليەكولدەن باسقا قاۋىپسىز اۋىلعا ەۆاكۋاتسيالانعان.