تۇركيادا تاعى 2 قازاقستاندىق ىزدەستىرىلىپ جاتىر

استانا. قازاقپارات - تۇركياداعى جەر سىلكىنىسىنەن كەيىن جوعالعان ميرۋس قۇرماشيەۆتىڭ تاعى ءۇش ارىپتەسى بايلانىسقا شىقپاي قالدى.

ولاردىڭ ەكەۋى قازاقستاندىقتار جانە ءبىرى - تۇركيا ازاماتى، دەپ حابارلايدى قازاقپارات.

«ميرۋسپەن بىرگە ونىڭ ءۇش ارىپتەسى دە بايلانىسقا شىقپاي قالدى: ءادىل قادىربەكوۆ، سابينا مامادياروۆا، Kubilay Keskin» ، - دەپ جازدى Astana Hub باس ديرەكتورى ماعجان ماديەۆ Instagram پاراقشاسىندا.

ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ حابارلاعانداي، ولاردى ىزدەستىرۋ جۇمىستارى ءجۇرىپ جاتىر.

سونىمەن قاتار ماعجان ماديەۆ جوعالعانداردى ىزدەۋ ءۇشىن حاتاي قالاسىنا ءوزى بارا جاتىر. Astana Hub باسشىسى ولاردىڭ ورنالاسقان جەرى تۋرالى بىرنەشە ىلگەك بارىن ايتۋدا.

ايتا كەتەيىك، Astana Hub تەحنوپاركىنىڭ حالىقارالىق اگەنتى ميرۋس قۇرماشيەۆ حاتاي قالاسىندا جوعالىپ كەتتى. جەر سىلكىنىسىنەن كەيىن ميراسپەن بايلانىس ۇزىلگەن.