وسكەمەندە جالعان ءنومىر تاققان، 2 ميلليون تەڭگەدەن اسا ايىپپۇلى بار جۇرگىزۋشى ۇستالدى
جول- كولىك وقيعالارىنىڭ الدىن الۋ جانە وعان جول بەرمەۋ، ءتۇسىندىرۋ جۇمىستارىن جۇرگىزۋ، سونداي- اق كولىك قوزعالىسى ءتارتىبىن ارتتىرۋ ماقساتىندا 18-شىلدەدەن باستاپ شىعىس قازاقستان وبلىسىنىڭ اۋماعىندا جول قوزعالىسى قاۋىپسىزدىگى ايلىعى وتۋدە. وسى كەزەڭدە جولداردا، اسىرەسە تۇنگى ۋاقىتتا پاترۋلدىك پوليتسيا ناريادتارىنىڭ تىعىزدىعى ارتتى.
13-تامىزدا وسكەمەن قالاسى پ ب پاترۋلدىك پوليتسيا باتالونىنىڭ قىزمەتكەرلەرى قابانباي باتىر كوشەسىندە جول قوزعالىسىنىڭ باسقا قاتىسۋشىلارىنىڭ ءومىرى مەن دەنساۋلىعىنا قاۋىپ توندىرگەن Toyota اۆتوكولىگىن توقتاتقان. كولىك جۇرگىزۋشىسى جول- كولىك وقيعاسى ورنىنان جاسىرىنۋعا تىرىسقان.
«سەرگەك قورعاۋ» قوسىمشاسىنىڭ كومەگىمەن قۇجاتتاردى تەكسەرۋ بارىسىندا ءتارتىپ ساقشىلارى كولىك جۇرگىزۋشىسى كوكشەتاۋ قالاسىنىڭ 32 جاستاعى تۇرعىنى ەكەنىن، سونىمەن قاتار ول كولىك قۇرالىن جۇرگىزۋشى كۋالىگىنسىز، جالعان مەملەكەتتىك تىركەۋ نومىرىمەن جۇرگىزگەنىن انىقتادى. بەلگىلى بولعانداي، رەسپۋبليكا بويىنشا اتالعان ءنومىردىڭ 175 جول قوزعالىسى ەرەجەلەرىن بۇزۋ فاكتىسى تىركەلگەن، ايىپپۇل سوماسى - 2 ميلليون تەڭگەدەن استام»، - دەپ جازدى اقپارات كوزى.
اتالعان فاكتى بويىنشا جۇرگىزۋشىگە قاتىستى ق ر ا ق ب ت ك- ءنىڭ 590-بابىنىڭ 4-بولىگى (ماتەريال وسكەمەن قالاسىنىڭ مامانداندىرىلعان اكىمشىلىك سوتىنا جىبەرىلدى)، ق ر ا ق ب ت ك- ءنىڭ 612-بابىنىڭ 4-بولىگى (30 ا ە ك مولشەرىندە ايىپپۇل)، ق ر ا ق ب ت ك-نىڭ 590-بابىنىڭ 3-بولىگى (15 ا ە ك مولشەرىندە ايىپپۇل) بويىنشا اكىمشىلىك قۇقىق بۇزۋشىلىق تۋرالى حاتتاما تولتىرىلدى. اۆتوكولىك قارىزدى تولىق وتەگەنگە دەيىن ارنايى تۇراققا قويىلدى.
فوتو: polisia.kz