قىتايدا 2 ميلليونعا جۋىق ادام قۇرعاقشىلىقتان زارداپ شەگۋدە

None
None
بەيجىڭ. قازاقپارات - شىلدە ايىنان بەرى قىتايدىڭ بىرنەشە ايماعىندا قاتتى قۇرعاقشىلىق سالدارىنان 2 ميلليونعا جۋىق ادام زارداپ شەكتى، دەپ حابارلايدى قازاقپارات ءتىلشىسى شينحۋا اگەنتتىگىنە سىلتەمە جاساپ.

جياڭشي پروۆينسياسىندا (شىعىس قىتاي) شىلدە ايىنىڭ ورتاسىنان بەرى قاتتى قۇرعاقشىلىق 1,38 ميلليوننان استام ادامعا اسەر ەتتى. قىتايدىڭ وسى پروۆينسياسىنىڭ ءارتۇرلى ايماقتارىندا 11 مىڭعا جۋىق ادام اۋىز سۋ تاپشىلىعىنا تاپ بولدى. سەيسەنبى كۇنى جياڭشي پروۆينسياسىندا اپتاپ ىستىققا بايلانىستى قاۋىپتىلىكتىڭ ەڭ جوعارعى قىزىل دەڭگەيى جاريالاندى.

سونىمەن قاتار چۇڭشيڭ قالاسىندا (وڭتۇستىك- باتىس قىتاي) قۇرعاقشىلىقتان 600 مىڭنان استام ادام زارداپ شەكتى. دۇيسەنبىدە قالالىق سۋ تاسقىنى مەن قۇرعاقشىلىقتى باقىلاۋ شتابى مەگاپوليستىڭ بىرنەشە اۋدانىندا توتەنشە جاعدايعا قارسى ارەكەت ەتۋدىڭ قىزعىلت سارى دەڭگەيىن جاريالادى.

قۇرعاقشىلىق قىتايدىڭ وسى اكىمشىلىك- اۋماقتىق بىرلىكتەرىندەگى اۋىل- شارۋاشىلىعى ونىمدەرىنە ايتارلىقتاي زيانىن تيگىزدى. بۇعان دەيىن حابارلاعانىمىزداي، قىتاي بيلىگى ەل ايماقتارىنداعى قۇرعاقشىلىق سالدارىن جويۋعا 30 ميلليونعا جۋىق ا ق ش دوللارىن بولگەن.



سوڭعى جاڭالىقتار