ءۇش جىلدا قازاقستاندا 2 مىڭنان استام كولىك زاڭسىز تىركەلگەن

None
None
نۇر- سۇلتان. قازاقپارات - شەت ەلدەن اكەلىنگەن كولىكتەردى قازاقستاندا زاڭسىز ەسەپكە قويۋ بويىنشا قىلمىستىق ىستەر تەرگەلىپ جاتىر.

بۇل تۋرالى ق ر ىشكى ىستەر مينيسترلىگىنىڭ وكىلى شۇعىلا تۇرلىبەك ۆەدومستۆونىڭ ونلاين بريفينگىسىندە ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ق ر ءى ءى م وزىندىك قاۋىپسىزدىك دەپارتامەنتى ەلىمىزدىڭ 7 وڭىرىندە جاقىن شەت ەلدەردەن اكەلىنگەن كولىكتەردى قازاقستان رەسپۋبليكاسىندا زاڭسىز ەسەپكە قويۋ بويىنشا قىلمىستىق ىستەردى تەرگەپ جاتىر»، - دەدى ش. تۇرلىبەك.

ۆەدومستۆودا اتاپ وتكەندەي، سوڭعى ءۇش جىلدا 2 مىڭنان استام كولىك زاڭسىز تىركەلگەن. مەملەكەتكە كەلتىرىلگەن شىعىن 10 ميلليارد تەڭگەدەن استى. بۇدان بۇرىن حابارلانعانداي، شەتەلدەن اكەلىنگەن كولىكتەردى قازاقستان رەسپۋبليكاسىندا تىركەۋگە زاڭسىز قويىپ كەلگەن قىلمىستىق توپ اشكەرەلەندى. ولاردىڭ ىشىندە پوليتسيا دەپارتامەنتىنىڭ 2 قىزمەتكەرى بار.

اۆتور رۋسلان عابباسوۆ


سوڭعى جاڭالىقتار