پاۆلودار وبلىسىندا مەملەكەتكە 2 ميلليارد تەڭگەگە شىعىن كەلتىرگەن قىلمىستىق توپ ۇستالدى
1 شىلدە 10:25

پاۆلودار وبلىسىندا مەملەكەتكە 2 ميلليارد تەڭگەگە شىعىن كەلتىرگەن قىلمىستىق توپ ۇستالدى

نۇر-سۇلتان. قازاقپارات – ق ر قارجىلىق مونيتورينگ اگەنتتىگىنىڭ پاۆلودار وبلىسى بويىنشا دەپارتامەنتىنىڭ قىزمەتكەرلەرى شوت-فاكتۋرالاردى زاڭسىز جازىپ بەرۋ فاكتىلەرىنىڭ جولىن كەستى، دەپ حابارلايدى قازاقپارات.

تەرگەۋ بارىسىندا ازاماتتار ۆ. ر. لەگين مەن س. ا. رىجاكوۆ جالعان تۇلعالارعا رەسىمدەلگەن 13 كومپانيا قۇرعاندىعى انىقتالدى، سودان كەيىن ماتەريالدىق پايدا تابۋ ماقساتىندا 2019 -جىلدان باستاپ 2021 -جىلعا دەيىنگى كەزەڭدە وسى كومپانيالاردىڭ اتىنان ءبىرقاتار زاڭدى تۇلعالارعا جالپى سوماسى 6,5 ميلليارد تەڭگەگە جالعان شوت-فاكتۋرالار جازىپ بەرىلدى. ۆ. ر. لەگين مەن س. ا. رىجاكوۆتىڭ قىلمىستىق ارەكەتتەرىنىڭ ناتيجەسىندە مەملەكەتكە تولەنبەگەن سالىق تۇرىندە 2 ميلليارد تەڭگەدەن استام سوماعا زالال كەلتىرىلدى.

«سوت ەكەۋىن دە كىنالى دەپ تاۋىپ، لەگين ۆيلگەلم روبەرتوۆيچ پەن رىجاكوۆ سەرگەي الەكساندروۆيچتى 2 جىل 9 ايعا باس بوستاندىعىنان ايىرىپ، لەگيننەن 13 ميلليون تەڭگەدەن استام اقشا تاركىلەۋ تۋرالى ۇكىم شىعاردى»، - دەلىنگەن حابارلامادا.

جاڭالىقتار