USD 429.57 EUR 447.35
RUB 6.94 CNY 63.23
جاڭالىقتار

قازىعۇرتتا بەيتانىس 2 ايەل جەرگىلىكتى تۇرعىندى تاپا- تال تۇستە توناعان

13 مامىر 21:30
:ءبولىسۋ
قازىعۇرتتا بەيتانىس 2 ايەل جەرگىلىكتى تۇرعىندى تاپا- تال تۇستە توناعان

قازىعۇرت. قازاقپارات - تۇركىستان وبلىسىنىڭ قازىعۇرت اۋدانىندا بەيتانىس 2 ايەل جەرگىلىكتى تۇرعىننىڭ باسىن اينالدىرىپ، التىندارى مەن اقشاسىن الىپ كەتكەن، دەپ حابارلايدى قازاقپارات وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ءباسپاسوز قىزمەتىنىڭ مالىمەتتەرىنە قاراعاندا، بەلگىسىز ەكى ايەل جەرگىلىكتى تۇرعىنداردىڭ ءبىرىنىڭ ۇيىنە كەلىپ، «ۇيىڭدە دۋا بار، سونى تازالاپ بەرەمىز» دەگەن جەلەۋمەن ونىڭ باسىن اينالدىرىپ، موينىنداعى التىن القاسى مەن ساۋساعىنداعى التىن ساقيناسىن، 100 مىڭ تەڭگەدەن استام اقشاسىن الىپ كەتكەن. ولار كەتكەن بويدا ەسىن جيناعان ايەل، بىردەن پوليسياعا حابارلاسقان. پوليسەيلەر جابىرلەنۋشىنىڭ ايتقان بەلگىلەرى بويىنشا جەدەل ىزدەستىرۋ شارالارىن قولعا الىپ، كۇدىكتىلەر ءمىنىپ كەتكەن كولىكتى قۋىپ، توقتاتقان.

«لادا پريورا» كولىگىنىڭ ىشىندە بەس ايەل بولعان. ولاردىڭ بارلىعى پوليسەيدى كورگەن بويدا دالاعا قاراي قاشا جونەلگەن. ءبىراق ءتارتىپ ساقشىلارى بارلىعىن تۇگەل ۇستادى.

«جەرگىلىكتى تۇرعىندى الداعان ەكى ايەلدەن التىندار مەن اقشا ايعاقتى زات رەتىندە الىندى. ۇستالعان بەس ايەلدەن دە جاۋاپ الىندى. ولاردى تەكسەرۋ كەزىندە وزبەكستان رەسپۋبليكاسىنىڭ تۇرعىندارى ەكەندىگى انىقتالدى. اتالعان جايت قازىعۇرت ا پ ب- عا ق ر ق ك- ءنىڭ 190-بابى «الاياقتىق» بويىنشا تىركەۋگە الىنىپ، سوتقا دەيىنگى تەرگەپ- تەكسەرۋ امالدارى جۇرگىزىلۋدە. پوليسەيلەر ولاردىڭ تۇركىستان وبلىسىنداعى باسقا دا قىلمىستىق ارەكەتتەرگە قاتىسى بار- جوعىن تەكسەرىپ جاتىر»، - دەلىنگەن حابارلامادا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات