كۇنىنە 2 بانان جەسەڭىز، نە بولاتىنىن بىلەسىز بە؟
4 مامىر 09:41

كۇنىنە 2 بانان جەسەڭىز، نە بولاتىنىن بىلەسىز بە؟

نۇر- سۇلتان. قازاقپارات - اعزاعا پايدالى استىڭ ءبارى ءدامدى بولا بەرمەيدى. ءبىراق، مۇنىڭ بانانعا ەش قاتىسى جوق.

جەمىستىڭ بۇل ءتۇرىن ءسۇيىپ جەيتىندەر كوپ ءارى ول ورگانيزمگە دە پايدالى. كۇنىنە 2 بانان جەسەڭىز، دەنساۋلىعىڭىز ايتارلىقتاي جاقسارادى، دەپ حابارلايدى Baq.kz.

1. ارتەريالىق قىسىم دەڭگەيى قالپىنا كەلەدى

باناننىڭ قۇرامىندا 420 م گ- عا جۋىق كالي بار. سوندىقتان ول جوعارى قان قىسىمىن تومەندەتۋگە سەپ بولادى.

2. ارتىق سالماقتان ارىلاسىز

بانان جاسۇنىققا باي - سونىڭ ارقاسىندا ادامنىڭ قارنى اشا بەرمەيدى.

3. انەميا قاۋپى تومەندەيدى

انەميادان ادامنىڭ ءجۇزى سولعىن تارتىپ، ۇنەمى شارشاپ جۇرەدى، ەنتىگىپ قالادى. مۇنىڭ ءبارى ەريتروتسيتتەردىڭ ازايۋى مەن قانداعى گەموگلوبين دەڭگەيىنىڭ تومەندىگىنەن.

باناننىڭ قۇرامىندا ەريتروتسيتتەردىڭ كوبەيۋىنە كومەكتەسەتىن تەمىر وتە كوپ. سونداي-اق، قانداعى گليۋكوزا دەڭگەيىن رەتتەيتىن 6В دارۋمەنى دە بار.


4. اس قورىتۋ جاقسارادى

بانان تەز قورىتىلاتىندىقتان، اسقازانعا كەرى اسەرى جوق. جەمىستىڭ بۇل ءتۇرىن گاستريت، قىجىل كەزىندە، سونىمەن قاتار، ديارەيادان كەيىن العاشقى اس رەتىندە جەۋگە بولادى. سەبەبى ولار اعزاداعى جوعالعان مينەرالداردى تۇزەدى.

5. كۇيزەلىستەن قۇتقارادى

بانان ادامنىڭ كوڭىل- كۇيىن كوتەرەدى. جەمىستىڭ قۇرامىندا ءبىزدىڭ ورگانيزمگە سەروتونين («باقىت گورمونى») الۋعا قاجەت تريپتوفان بار.

ورتا ەسەپپەن باناندا 27 م گ ماگني بار. بۇل مينەرال كوتەرىڭكى كوڭىل-كۇي مەن قاتتى ۇيقىعا اسەر ەتەدى.

6. دارۋمەندەرگە بايىتادى

بانان 6В دارۋمەنىنە باي. ول ورگانيزمگە ينسۋلين، گەموگلوبين جانە امينقىشقىلدار بولۋگە كومەكتەسەدى.

«س» دارۋمەنى دەگەندە ويىمىزعا اپەلسين مەن قۇلپىناي كەلسە دە، باناننىڭ قۇرامىندا بۇل ۆيتامين دە بار ەكەن.

7. ادامنىڭ ەنەرگياسى ارتادى

جەمىستىڭ قۇرامىنداعى كالي بۇلشىق ەتتەردى ءسىڭىر تارتۋدان قورعاسا، كومىرسۋلار بويداعى كۇش- قۋاتتى ارتتىرادى.

جاڭالىقتار