ەكولوگيا ۆيتسە- ءمينيسترى مەن «و ك م وپەراتورى» كومپانياسىنىڭ ەكس- باسشىسى 2 ايعا قاماۋعا الىندى

نۇر- سۇلتان. قازاقپارات - نۇر- سۇلتان قالاسىنىڭ تەرگەۋ سوتى بۇرىنعى ەكولوگيا، گەولوگيا جانە تابيعي رەسرۋستار ۆيتسە- ءمينيسترى احمەتجان ءپىرىمقۇلوۆ پەن «و ك م وپەراتورى» ج ش س باسقارماسىنىڭ بۇرىنعى ءتوراعاسى مەدەت قۇمارعاليەۆتى ەكى ايعا قاماۋعا الدى، دەپ حابارلايدى قازاقپارات ءتىلشىسى.

بۇل اقپاراتتى ەلوردا سوتىنىڭ باسپا ءسوز قىزمەتى راستادى.

«2022 -جىلعى 27-قاڭتاردا نۇر- سۇلتان قالاسىنىڭ مامانداندىرىلعان اۋدانارالىق تەرگەۋ سوتى كۇدىكتىلەر ا. ا. پريمكۋلوۆ پەن م. ك. كۋمارعاليەۆكە قاتىستى 2 اي مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىن سانكتسيالادى. ق ر قىلمىستىق پروتسەستىك كودەكستىڭ 201-بابىنا سايكەس سوتقا دەيىنگى تەرگەپ- تەكسەرۋدىڭ باسقا دەرەكتەرىن جاريا ەتۋگە جول بەرىلمەيدى» ، - دەپ جازىلعان مالىمەتتە.

ەسكە سالساق، 26-قاڭتاردا ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى احمەتجان ءپىرىمقۇلوۆ پەن «و ك م وپەراتورى» ج ش س باسقارما ءتوراعاسى مەدەت قۇمارعاليەۆ ۇستالعان بولاتىن. سول كۇنى «و ك م وپەراتور» ج ش س- ءنىڭ باسقارۋشى ديرەكتورى رۋسلان شامشيەۆتىڭ مۇردەسى تابىلىپ، ەلوردانىڭ «ەسىل» اۋداندىق پولي سيا ءبولىمى ق ر قىلمىستىق كودەكسىنىڭ 105-بابىمەن (ءوزىن- ءوزى ولىتۋرگە دەيىن جەتكىزۋ) قىلمىستىق ءىس قوزعادى.

ايتا كەتەيىك، 2022 -جىلعى -11قاڭتاردا قازاقستان رەسپۋبليكاسى پارلامەنتى ءماجىلىسىنىڭ وتىرىسىندا سويلەگەن سوزىندە مەملەكەت باسشىسى قاسىم- جومارت توقايەۆ «و ك م وپەراتورى» ج ش س- ءنىڭ كادەگە جاراتۋ الىمىن جۇرگىزۋ جانە كادەگە جاراتۋ الىمىنا يەلىك ەتۋىن توقتاتۋ تۋرالى تاپسىرما بەردى.