19:07, 14 - قاڭتار 2022 | GMT +6
الماتىدا تاعى 2 ادام ۇستالىپ، ولاردان باعالى زاتتار مەن قارۋ- جاراق تاركىلەندى
الماتى. قازاقپارات - الماتىدا دۇكەن توناعان ەكى ادام ۇستالدى. ولاردان باعالى زاتتار مەن قارۋ- جاراق تاركىلەندى، دەپ حابارلايدى قازاقپارات ءتىلشىسى.
كومەنداتۋرانىڭ باسپا ءسوز قىزمەتىنىڭ مالىمەتىنشە، رايىمبەك داڭعىلى بويىنداعى «تەحنودوم» جانە RedPark دۇكەندەرىنە جاسالعان شابۋىل مەن شەرۋگە 26 جاستاعى ج. ەسىمدى جانە 22 جاستاعى ك. ەسىمدى ەكى ازامات قاتىسقان. ولار ساتبايەۆ كوشەسى بويىنداعى الاڭنان 12-كاليبرلى پاترونى بار مىلتىق پەن شۋ گراناتاسىن دا الىپ كەتكەن.
تۇتقىنداۋ كەزىندە پوليتسيا قىزمەتكەرلەرى كۇدىكتىلەردەن تۇرمىستىق تەحنيكا، كيىم- كەشەك پەن «Royal Petrol» جانارماي قۇيۋ بەكەتىنەن ۇرلانعان سۋسىنداردى تاركىلەدى.
اتالعان فاكتى بويىنشا سوتقا دەيىنگى تەرگەۋ باستالدى. بەلگىلى بولعانىنداي، ۇستالعاندار - وزبەكستاننىڭ تۋماسى. ولار الماتى وبلىسىنداعى اۋىلداردىڭ بىرىندە تۇرادى.
اۆتور: الما مۇقانوۆا