10:33, 14 - قاڭتار 2022 | GMT +6
الماتىدا جاپپاي تارتىپسىزدىككە قاتىسقان 2 مىڭنان استام ادام ۇستالدى – كومەنداتۋرا
الماتى. قازاقپارات- الماتىنىڭ جەتىسۋ جانە ناۋرىزباي اۋداندارىندا پروفيلاكتيكالىق جانە ىزدەستىرۋ شارالارى جۇرگىزىلدى.
بۇل تۋرالى الماتى قالاسى كومەنداتۋراسىنىڭ اقپاراتتىق ورتالىعى ءمالىم ەتتى، دەپ حابارلايدى قازاقپارات ءتىلشىسى.
كومەنداتۋرا مالىمەتىنشە، ارنايى وپەراتسيا بارىسىندا جەتىسۋ جانە ناۋرىزباي اۋداندارى لاڭكەستىك، توناۋ جانە باسقا دا قىلمىستاردىڭ 2159 قاتىسۋشىسى ۇستالدى. 67 بىرلىك اتىس قارۋى مەن 3112 وق- ءدارى تاركىلەندى.
«وتكەن تاۋىلىكتە «102» پۋلتىنە 754 حابارلاما كەلىپ ءتۇستى. كومەنداتۋرانىڭ كولل- ورتالىعىنا ازاماتتاردان جەدەل ارەكەت ەتۋدى تالاپ ەتەتىن 175 دابىل قابىلداندى. بارلىق حابارلامالار دەر كەزىندە رەتتەلدى»، - دەيدى الماتى قالاسى كومەنداتۋراسىنىڭ رەسمي وكىلى سالتانات ازىربەك. سونىمەن قاتار، ول تۇرعىنداردى كومەندانتتىق ساعاتتى بۇزباۋعا شاقىردى.