استاناداعى كاسىپقوي بوكس كەشى: تاعى 2 قازاقستاندىقتىڭ قارسىلاستارى انىقتالدى
ءبىرىنشى جارتىلاي ورتا سالماقتاعى قازاقستاندىق بوكسشى ايدار شارىبايەۆ (8-1، 7ك و) رەسەي اتىنان رينگكە شىعىپ جۇرگەن قىرعىزستان تۋماسى شوحرۋح ابدييەۆپەن (9-2-1، 3ك و) قولعاپ تۇيىستىرەدى. جەكپە- جەك فورماتى - 6 راۋند.
شارىبايەۆ ءۇشىن بۇل بيىلعى جىلداعى العاشقى ايقاس بولادى. بۇعان دەيىن ول 2020 -جىلدىڭ 18 -جەلتوقسانىندا وزبەك شوۆكات حاليلوۆتى ءبىرىنشى راۋندتا تەحنيكالىق نوكاۋتپەن جەڭگەن ەدى. ءبىرىنشى جارتىلاي ورتا سالماقتاعى داۋلەت داۋكەنوۆ (9-2، 4 ك و) بولسا، گانا وكىلى اناما دوتسەمەن (18-4, 17ك و) كەزدەسەدى. جەكپە- جەك 6 راۋندقا ەسەپتەلگەن. داۋكەنوۆ بۇنىڭ الدىنداعى ايقاسىن بيىلعى 13-قاراشادا نۇر- سۇلتان قالاسىندا وتكىزدى. ول وزبەك راسۋل تۋلەبايەۆتى (0-1) ءبىرىنشى راۋندتا تەحنيكالىق نوكاۋتپەن جەڭدى.
18-جەلتوقسان كۇنى ەلوردادا ق ر تاۋەلسىزدىگىنىڭ 30 جىلدىعىنا ارنالعان كاسىپقوي بوكس كەشى وتەتىنىن بۇعان دەيىن جازعان بولاتىنبىز. كەشتىڭ باستى ايقاستارى: جارتىلاي ورتا سالماقتاعى دانيار ەلەۋسىنوۆ (10-0, 6 ك و) پەن «ەسى كەتكەن» لاقاپ اتىمەن تانىمال مەكسيكالىق بوكسشى دانتە حاردون (34-7, 25 ك و)، سونداي- اق اۋىر سالماقتاعى بوكسشىمىز يۆان دىچكو (10-0، 10 ك و) مەن 44 جاستاعى رەسەيلىك الەكساندر ۋستينوۆ (36-5-1, 27 ك و) اراسىندا وتەدى. وليمپيادا چەمپيونى د. ەلەۋسىنوۆ بىردەن ەكى تيتۋل: IBF Inter- Continental نۇسقاسى بويىنشا الەم چەمپيونى جانە IBO تيتۋلى ءۇشىن قولعاپ تۇيىستىرەدى. بۇل كۇنى رينگكە سونداي- اق، دانيار ەلەۋسىنوۆتىڭ ءىنىسى داۋرەن ەلەۋسىنوۆ (8-1-1، 7 ك و) شىعادى. پروفيبوكس كەشى «حابار» تەلەارناسىنان كورسەتىلەدى.