+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

قارىز العان قازاقستاندىقتار سانى 2 ەسەگە ءوستى

14 قازان 11:26
:ءبولىسۋ
قارىز العان قازاقستاندىقتار سانى 2 ەسەگە ءوستى

نۇر-سۇلتان. قازاقپارات - 2021 -جىلدىڭ 8 ايىندا يپوتەكا بويىنشا 1,2 تريلليون تەڭگەنىڭ 97,2 مىڭنان استام كەلىسىمشارتى رەسىمدەلدى.

بۇل بىلتىرعىدان 2 ەسە كوپ، دەپ حابارلايدى قازاقپارات ءبىرىنشى كرەديت بيۋروسىنا سىلتەمە جاساپ.

«2021 -جىلى يپوتەكالىق نەسيە بەرۋ ەكى ەسەگە ارتتى. 8 اي ىشىندە قازاقستاندا جالپى سوماسى 1,2 تريلليون تەڭگەگە جۋىق 97,2 مىڭنان استام كەلىسىمشارت رەسىمدەلدى. بۇل ءبىر جىل بۇرىنعىعا قاراعاندا ەداۋىر كوپ. بەرىلگەن كرەديتتەر سانى %62، ال ولاردىڭ كولەمى 2 ەسەدەن استام ءوستى. قازاقستاندىقتار كوبىنەسە ءبىر يپوتەكانى وتەي سالىپ، ەكىنشىسىن الادى. بيىل 4,1 مىڭنان استام ادام وسىنداي يپوتەكا راسىمدەگەن»، - دەلىنگەن بيۋرو حابارلاماسىندا.

ساراپشىلار 2021 -جىلدىڭ 8 ايىنداعى قورىتىندى بويىنشا ساتىپ الۋ- ساتۋ مامىلەلەرىنىڭ سانى 370 مىڭنان اسقانىن ايتادى. بۇل 2020 -جىلدىڭ سايكەس كەزەڭىمەن سالىستىرعاندا 2,1 ەسە كوپ. «قازاقستاندىقتاردىڭ زەينەتاقى جيناقتارىنىڭ ءبىر بولىگىن پايدالانۋعا مۇمكىندىگى پايدا بولعانى سەرپىن بەرگەنى انىق. 7 اي ىشىندە ب ج ز ق- دان تۇرعىن ءۇي جاعدايلارىن جاقسارتۋ ءۇشىن الۋشىلاردىڭ شوتتارىنا 1,76 تريلليون تەڭگە اۋدارىلدى. بۇل سومانىڭ شامامەن %70 ى تۇرعىن ءۇي ساتىپ الۋ كەزىندە تولىق ەسەپتەۋگە باعىتتالعان. %10 دان استامى يپوتەكالىق قارىز الۋ ءۇشىن پايدالانىلعان»، - دەپ جازادى تالداۋ ورتالىعى.

تالداۋعا سۇيەنسەك، كەيىنگى 12 ايدا مەرزىمى وتكەن يپوتەكالىق نەسيەنىڭ كولەمى 310,5 ميلليارد تەڭگەدەن 216,5 ميلليارد تەڭگەگە دەيىن ازايعان.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات