تۇركىستان وبلىسىندا 2 مىڭنان استام وقۋشى كارانتينگە جىبەرىلدى

None
None
تۇركىستان. قازاقپارات - جاڭا وقۋ جىلىنىڭ باسىنان 20-قىركۇيەككە دەيىن تۇركىستان وبلىسىندا 38 ءمۇعالىم مەن 148 وقۋشى كوروناۆيرۋس ينفەكسياسىمەن اۋىردى، دەپ حابارلايدى قازاقپارات د س م سانيتاريالىق- ەپيدەميولوگيالىق باقىلاۋ كوميتەتىنىڭ سايتىنا سىلتەمە جاساپ.

ۆەدومستۆونىڭ مالىمەتىنشە، وڭىردە 71 وقۋشى ساباققا وفلاين فورماتتا قاتىسىپ كەلگەن، قالعان 77 وقۋشى وقۋ جىلى باستالعانعا دەيىن جۇقتىرعان.

« ​​​​​​​​​​​ەپيدەمياعا قارسى ءىس- شارالار بارىسىندا ناۋقاستارمەن بايلانىستا بولعان 2176 وقۋشى، ياعني 92 سىنىپ 14 كۇندىك ءۇي كارانتينىنە وقشاۋلانىپ، وقىتۋ ونلاين- فورماتقا اۋىستىرىلدى»، دەلىنگەن حابارلامادا.

«2021-2022 وقۋ جىلىندا ءبىلىم بەرۋ ۇيىمدارىندا كوروناۆيرۋس ينفەكتسياسىنىڭ الدىن الۋ تۋرالى» ق ر باس مەملەكەتتىك سانيتاريا دارىگەرىنىڭ №36 قاۋلىسىنا سايكەس سىنىپتا COVID-19 اۋرۋى تىركەلگەن جاعدايدا سىنىپ 14 كۇن بويى ءۇي كارانتينىنە وقشاۋلاۋلانادى.

«وبلىستىڭ 934 ءبىلىم بەرۋ ۇيىمدارىندا 100 پايىز Ashyq باعدارلاماسى ەنگىزىلگەن. وبلىستىڭ سانيتاريالىق- ەپيدەميولوگيالىق باقىلاۋ باسقارمالارى COVID-19 - دىڭ تارالۋىن بولدىرماۋعا باعىتتالعان اقپاراتتىق- ءتۇسىندىرۋ جۇمىسىن جالعاستىرۋدا. ​​​​​​​​​​​​جاڭا وقۋ جىلى قارساڭىندا Zoom پلاتفورماسى ارقىلى مەكتەپ ديرەكتورلارى مەن وقۋ ورىندارىنىڭ مەديتسينا قىزمەتكەرلەرى اراسىندا كوروناۆيرۋس ينفەكتسياسىنىڭ الدىن الۋ جونىندەگى سەمينارلار وتكىزىلدى»، دەلىنگەن حابارلامادا.

باس مەملەكەتتىك سانيتاريا دارىگەرىنىڭ قاۋلىسىنا سايكەس جاۋاپتى قىزمەتكەرلەر بارلىق پەداگوگتىڭ، پەرسونالدىڭ جانە ءبىلىم الۋشىنىڭ دەنە قىزۋىن سەنسور تەرمومەترمەن ولشەۋى كەرەك، قولدىڭ انتيسەپتيكپەن وڭدەلۋىن باقىلاۋى قاجەت. ​​ ءاربىر قاباتتا، قولجەتىمدى جەردە انتيسەپتيگى بار سانيتايزەر، لاس ماسكانى جيناۋعا ارنالعان تاڭبالانعان جاشىكتەر ورناتىلۋى، دوزاتوردا سابىننىڭ، قول جۋۋ ەرەجەلەرى بار پلاكاتىڭ بولۋى، سونداي- اق ءبىلىم الۋشىنىڭ الەۋمەتتىك قاشىقتى قاتاڭ ساقتاۋى تەكسەرىلۋى ءتيىس. ​​​​​​

سوڭعى جاڭالىقتار