الماتىداعى اتىس بويىنشا 2 قىلمىستىق ءىس قوزعالدى
بۇل تۋرالى بريفينگ بارىسىندا قالالىق پوليتسيا دەپارتامەنتىنىڭ باسشىسى قانات تايمەردەنوۆ ءمالىم ەتتى، دەپ حابارلايدى قازاقپارات ءتىلشىسى.
«كىسى ءولتىرۋ» جانە «بيلىك وكىلىنە شابۋىل جاساۋ» باپتارى بويىنشا ەكى قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى. ودان جاۋاپ الىنىپ جاتىر. مالىمەتتەر انىقتالۋدا. بەلگىلى بولعانداي، ونىڭ اتىنا قارۋ 2008 -جىلى تىركەلگەن، كۇدىكتى پسيحياتريالىق ديسپانسەردە ەسەپتە جوق»، - دەدى قانات تايمەردەنوۆ.
ونىڭ ايتۋىنشا، ۆەدومستۆوارالىق جەدەل توپ قۇرىلدى، الداعى ۋاقىتتا تەرگەۋ ناتيجەلەرى بويىنشا پوليتسيا تولىق اقپارات بەرەتىن بولادى.
«قىزمەت بارىسىندا قازا بولعان پوليتسيا قىزمەتكەرلەرىنىڭ وتباسىلارىنا كومەك كورسەتىلەدى. ولاردىڭ كامەلەتتىك جاسقا تولماعان بالالارى بار»، - دەدى سپيكەر.
بۇعان دەيىن باقىتجان ساعىنتايەۆ ولاردىڭ وتباسىنا ءتيىستى كومەك كورسەتىلەتىنى تۋرالى ايتقان بولاتىن. كەيىنىرەك جەكە سوت ورىنداۋشىلارىنىڭ پالاتاسى وقيعاعا قاتىستى تۇسىنىكتەمە بەردى.
ايتا كەتەيىك، وسىعان دەيىن الماتىدا اتىس بولىپ، 5 ادامنىڭ قازا تاپقانىن حابارلاعان بولاتىنبىز. اتالعان جاعداي بويىنشا سوتقا دەيىنگى تەرگەۋ امالدارى باستالدى. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.
اۆتور: الما مۇقانوۆا