جاڭا قاۋلى: الماتىدا 2-تامىزدان باستاپ قانداي كاسىپورىنداردىڭ جۇمىسىنا رۇقسات بەرىلەدى

الماتى. قازاقپارات - الماتى قالاسى باس سانيتار دارىگەرىنىڭ قاۋلىسىمەن 2-16-تامىز ارالىعىندا ەنگىزىلەتىن كارانتيننىڭ تالاپتارى بەكىتىلدى، دەپ حابارلايدى قازاقپارات ءتىلشىسى.

قاۋلىدا Ashyq جوباسىنا قاتىسپاسا دا، 2-تامىزدان باستاپ جۇمىسىنا رۇقسات بەرىلەتىن قوعام تىرشىلىگىمەن تىعىز بايلانىستى ۇيىمدار مەن كاسىپورىنداردىڭ ساناتى بەرىلگەن. ولار:

- قۇرىلىس جۇمىستارى؛

- ونەركاسىپتىك كاسىپورىندار؛

- جاناسپايتىن قىزمەت كورسەتۋ ( كولىك جۋۋ، اۆتوموبيلدەردى، تۇرمىستىق تەحنيكانى، ساعاتتاردى، تەلەفونداردى، كومپيۋتەرلەردى، اياق كيىمدى جوندەۋ، تىگىن اتەلەسى، كىر جۋۋ ورىندارى، حيميالىق تازالاۋ، كىلت جاساۋ، تۇرمىستىق ءۇي قاعيداتى بويىنشا قىزمەت كورسەتۋ جانە ت. ب. )؛

- گۇل دۇكەندەرى، فوتوسالوندار؛

- تۋريستىك كومپانيالار، بيزنەس ورتالىقتار، ساقتاندىرۋ كومپانيالارى، ادۆوكات، نوتاريۋس، بۋحگالتەر جانە كونسالتينگ قىزمەتتەرى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، سوت ورىنداۋشىلارى، ايىرباستاۋ پۋنكتتەرى، لومباردتار، بانكتەر، «قازپوشتا» ا ق بولىمشەلەرى جانە ت. ب.؛

- قوعامدىق تاماقتانۋ وبەكتىلەرىنىڭ تەك الىپ شىعۋعا جانە جەتكىزۋگە ارنالعان قىزمەتى. قۇجاتتىڭ تاعى ءبىر تارماعىندا 2-16-تامىز ارالىعىندا وسى اتالعان ساناتتارعا جاتپايتىن جانە Ashyq جوباسىنا قاتىسپايتىن مەكەمەلەردىڭ جۇمىسى توقتاتىلاتىنى ايتىلعان. ال Ashyq جوباسىنا قاتىساتىن نىسانداردىڭ جۇمىسى تەك دەمالىس كۇندەرى توقتاتىلادى.

«ويىن- ساۋىق، سپورتتىق جانە وزگە دە بۇقارالىق ءىس- شارالاردى، وتباسىلىق، ەسكە الۋ شارالارىن وتكىزۋگە تىيىم سالىنسىن. مەملەكەتتىك ورگانداردىڭ (ۇيىمداردىڭ)، وفيستەردىڭ، ۇلتتىق كومپانيالار مەن ۇيىمداردىڭ ۆاكسينا الماعان جانە كوروناۆيرۋسپەن اۋىرعانىنا 3 اي تولماعان قىزمەتكەرلەرىنىڭ 80 پايىزى قاشىقتان جۇمىس ىستەۋ رەجيمىن ساقتاسىن»، - دەپ جازىلعان قاۋلىدا.

قۇجات 2-تامىزدان باستاپ كۇشىنە ەنەدى. ونىڭ تولىق مازمۇنىن مىنا سىلتەمەدەن كورۋگە بولادى.