+7 (701) 759 90 19
15 °С : نۇر-سۇلتان
22 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

اۋىل شارۋاشىلىعى تاۋارىن وندىرۋشىلەرگە 2 پايىزدىق نەسيە بەرۋ كەرەك - تولەۋتاي راحىمبەكوۆ

22 شىلدە 20:32
:ءبولىسۋ
اۋىل شارۋاشىلىعى تاۋارىن وندىرۋشىلەرگە 2 پايىزدىق نەسيە بەرۋ كەرەك - تولەۋتاي راحىمبەكوۆ

اتىراۋ. قازاقپارات - اتىراۋدا «اۋىل» پارتياسىنان اۋىل اكىمىنىڭ سايلاۋىنا ۇسىنىلعان ۇمىتكەرلەردى قولداۋ جيىنى ءوتتى، دەپ حابارلايدى قازاقپارات.

دامبى اۋىلىندا وتكەن كەزدەسۋگە قاتىسقان «اۋىل» حالىقتىق-دەموكراتيالىق پاتريوتتىق پارتياسى ءتوراعاسىنىڭ ءبىرىنشى ورىنباسارى تولەۋتاي راحىمبەكوۆتىڭ ايتۋىنشا، اگروونەركاسىپ كەشەنى مەن اۋىلداردىڭ پروبلەماسىن بولەك قاراستىرۋعا بولمايدى.

«مەملەكەت تاراپىنان قولداۋ از ەمەس. جىل سايىن مەملەكەتتىك باعدارلاما اياسىندا اۋىل شارۋاشىلىعىن دامىتۋعا 350-400 ميلليارد تەڭگە بولىنەدى. وكىنىشكە وراي، بۇگىنگى تاڭدا بۇل بولىنگەن قاراجاتتىڭ تيىمدىلىگى بايقالىپ وتىرعان جوق. ءونىمنىڭ %60-65 ىن شىعاراتىن ۇساق شارۋاشىلىقتار وسى قارجىنىڭ تەك %5 ىن پايدالانادى. فەرمالاردى قولداۋ باعدارلامالارى مينيستر اۋىسقان سايىن وزگەرەدى. اگرارلىق ساياساتتىڭ تۇراقسىزدىعى بايقالادى. ماستەر-جوسپارلارعا، اگروكارتالارعا، ازىق-تۇلىك بەلدەۋىن قۇرۋعا، ەت ەكسپورتى باعدارلاماسىنا قوماقتى قارجى سالىنعانىنا قاراماستان، تيىمدىگى بار باستامالار مەن يدەيالار سوڭىنا دەيىن جەتكىزىلمەيدى»، - دەيدى «اۋىل» حالىقتىق-دەموكراتيالىق پاتريوتتىق پارتياسى ءتوراعاسىنىڭ ءبىرىنشى ورىنباسارى تولەۋتاي راحىمبەكوۆ.

ونىڭ پىكىرىنشە، اۋىل شارۋاشىلىعى ءونىمىنىڭ %40 قايتا وڭدەۋدەن وتكىزىلەدى. ال، قالعانى شيكىزات تۇرىندە شەتەلگە ساتىلادى.

«وسىعان بايلانىستى «اۋىل» پارتياسى اۋىل شارۋاشىلىعى تاۋارىن وندىرۋشىلەرگە %2 بەن ۇزاق مەرزىمدى نەسيە بەرۋدى ۇسىنادى. وسىنداي قولداۋ كورسەتىلسە عانا اۋىل شارۋاشىلىعى تاۋارلارىن ءوندىرۋدى جانداندىرىپ، سالانى دامىتا الامىز» - دەگەن پىكىرىن ءبىلدىردى تولەۋتاي راحىمبەكوۆ.

سونداي-اق ول قازاقستان رەسپۋبليكاسىنىڭ اۋداندىق ماڭىزى بار قالالارى، اۋىلدىق وكرۋگتەرى، كەنتتەرى مەن اۋىلدارى اكىمدەرىن الداعى سايلاۋدا پارتيادان كانديداتتاردى قولداۋعا شاقىردى.

ەسكە سالا كەتەلىك، بۇدان بۇرىن اتىراۋداعى دامبى اۋىلىندا اكىم سايلاۋىنا 7 ۇمىتكەر ۇسىنىلعانىن حابارلاعان ەدىك.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات