+7 (701) 759 90 19
3 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

الماتىدا 2- شىلدەدە تۇرعىن ءۇي سەرتيفيكاتتارىن الۋعا ءوتىنىم قابىلداۋ باستالادى

1 شىلدە 19:16
:ءبولىسۋ
الماتىدا 2- شىلدەدە تۇرعىن ءۇي سەرتيفيكاتتارىن الۋعا ءوتىنىم قابىلداۋ باستالادى

الماتى. قازاقپارات - ەرتەڭنەن باستاپ الماتىدا تۇرعىن ءۇي سەرتيفيكاتتارىن الۋعا ءوتىنىم قابىلداۋ باستالادى، دەپ حابارلايدى قازاقپارات ءتىلشىسى.

الماتى اكىمدىگى قايتارىمسىز تۇرعىن ءۇي سەرتيفيكاتتارىن بەرۋگە 2 ميلليارد تەڭگە ءبولدى. بۇل تۋرالى ونلاين بريفينگ بارىسىندا قالالىق تۇرعىن ءۇي ساياساتى باسقارماسىنىڭ باسشىسى دانيار قىرىقبايەۆ ءمالىم ەتتى.

سپيكەردىڭ ايتۋىنشا، بۇل سوما 2 مىڭ الماتىلىقتىڭ «وتباسى بانكىنەن» جەڭىلدەتىلگەن يپوتەكا الۋ ءۇشىن باستاپقى جارنانىڭ ءبىر بولىگىن جابۋ ءۇشىن جەتكىلىكتى.

سونداي-اق، دانيار قىرىقبايەۆ تۇرعىن ءۇي سەرتيفيكاتى «نۇرلى جەر» مەملەكەتتىك باعدارلاماسى اياسىندا «شاڭىراق» جانە «باقىتتى وتباسى» باعىتتارى بويىنشا تەگىن ءارى قايتارىمسىز نەگىزدە 1 ميلليون تەڭگە مولشەرىندە الەۋمەتتىك كومەك تۇرىندە بەرىلەتىنىن اتاپ ءوتتى.

«سەرتيفيكاتتاردى كەزەكتە تۇرعان 1 مەن 2 توپتاعى مۇگەدەكتەر، مۇگەدەك بالالارى بار نەمەسە ولاردى تاربيەلەپ وتىرعان وتباسىلار، جەتىم بالالار مەن اتا-اناسىنىڭ قامقورلىعىنسىز قالعان بالالار جانە كوپبالالى وتباسىلار الادى»، - دەدى تۇرعىن ءۇي ساياساتى باسقارماسىنىڭ باسشىسى.

«سەرتيفيكات الۋ ءۇشىن «وتباسى بانكتە» الدىن الا تولەم قابىلەتتىلىكتەن وتكەن ازاماتتار بەلگىلەنگەن نىسانداعى قۇجاتتار مەن وتىنىشپەن الماتى قالاسىنىڭ تۇرعىن ءۇي ساياساتى باسقارماسىنا جۇگىنەدى. ءۇش جۇمىس كۇنى ىشىندە قۇجاتتاردىڭ دۇرىستىعى مەن مارتەبەڭىزدىڭ سەرتيفيكات بەرۋ شارتتارىنا سايكەستىگى تەكسەرىلەدى»، - دەدى ول.

قاجەتتى قۇجاتتار ءتىزىمى مىنانداي:

- نىسان بويىنشا ءوتىنىش؛

- ءوتىنىش بەرۋشى مەن وتباسى مۇشەلەرىنىڭ جەكە باسىن كۋالاندىراتىن قۇجات؛

- سوڭعى 6 ايداعى تابىسى تۋرالى انىقتاما؛

- جۇمىس ورنىنان انىقتاما؛

- بانكتەن تۇرعىن ءۇي زاەمىن بەرۋدى ماقۇلداعان حات. تۇرعىن ءۇي سەرتيفيكاتى تۇرعىن ءۇي زاەمىن بەرۋگە ماقۇلداۋ العان ءارى تابىسى بويىنشا تالاپقا سايكەس كەلەتىن ازاماتتارعا بەرىلەدى:

سوڭعى جارتى جىلداعى تابىسى وتباسىنىڭ ءاربىر مۇشەسىنە ايىنا 106336 تەڭگەدەن اسپاۋى ءتيىس.

تۇرعىن ءۇي ساياساتى باسقارماسىنىڭ باسشىسى اكىمدىكتىڭ تۇرعىن ءۇي سەرتيفيكاتىنىڭ ماقۇلدانعان سوماسىن «وتباسى بانكتەگى» كەزەكتە تۇرعانداردىڭ جيناق شوتىنا اۋداراتىنىن ايتتى.

بانك سوما تۇسكەننەن كەيىن سەرتيفيكات يەسىمەن قارىز شارتىن نەمەسە يپوتەكالىق شارت جاسايدى. تۇرعىن ءۇي سەرتيفيكاتىنىڭ سوماسىن اۋدارۋدىڭ ماكسيمالدى ۋاقىتى ماقۇلداۋ حابارلاماسىن العاننان كەيىن 5 جۇمىس كۇندى قۇرايدى.

الماتىدا تۇرعىن ءۇي سەرتيفيكاتتارىن الۋعا ۇمىتكەرلەر كوپ. تۇرعىن ءۇي ساياساتى باسقارماسىنىڭ ايتۋىنشا، بۇگىندە قالادا 9313 ازامات باسپاناعا مۇقتاج. ولاردىڭ ىشىندە 1 مەن 2 توپتاعى 2758 مۇگەدەك، مۇگەدەك بالا تاربيەلەپ وتىرعان وتباسى ساناتىنا جاتاتىن 1462 ادام، 1890 جەتىم جانە اتا-اناسىنىڭ قامقورلىعىنسىز قالعان بالالار، 3203 كوپبالالى وتباسى بار.

تۇرعىن ءۇي ساياساتى باسقارماسى تۇرعىن ءۇي سەرتيفيكاتتارىن العىسى كەلەتىن ازاماتتارعا كونسۋلتاتسيالىق كومەك كورسەتۋگە دايىن. قازىرگى ۋاقىتتا الماتى قالاسىنىڭ تۇرعىن ءۇي ساياساتى باسقارماسى دوستىق 85/اباي 1 مەكەنجايداعى الەۋمەتتىك قىزمەتتەر ۇيىندە ورنالاسقان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات