+7 (701) 759 90 19
31 °С : نۇر-سۇلتان
31 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

«جول ورتاسىندا ءبىر ايەل تۇردى»: جۋرناليست 2 مەكتەپ ديرەكتورى كوز جۇمعان جولدا ءوز باسىنان وتكەن وقيعانى ايتىپ بەردى

22 ماۋسىم 11:30
:ءبولىسۋ
«جول ورتاسىندا ءبىر ايەل تۇردى»: جۋرناليست 2 مەكتەپ ديرەكتورى كوز جۇمعان جولدا ءوز باسىنان وتكەن وقيعانى ايتىپ بەردى

نۇر-سۇلتان.قازاقپارات - نۇربولات تۋىسباي ۇلى جولدىڭ ورتاسىنا شىعىپ الاتىن ايەلدى سول ماڭداعى اۋىلداردىڭ ءبىرىنىڭ تۇرعىنى بولۋى مۇمكىن دەپ توپشىلايدى.

جۋرناليست نۇربولات تۋىسباي ۇلى اقتوبە وبلىسىنداعى ەكى مەكتەپ ديرەكتورى اپاتقا ۇشىراعان تاس جولدا بۇرىن ءوز باسىنان وتكەن وقيعانى ايتىپ بەردى. ءبىراز كۇن بۇرىن ءدال سول باعىتقا بەت العان ول قوبداعا جاقىنداعاندا تاس جولدىڭ قاق ورتاسىندا تۇرعان ءبىر ايەلدى كورگەنىن ايتادى.

جۋرناليست Facebook-تەگى پاراقشاسىندا اقتوبە وبلىسىنىڭ ويىل اۋدانىندا بولعان جول اپاتىنا قاتىستى اقپاراتتى وقىپ، وقيعا بولعان تاس جولدا ءوزىنىڭ باسىنان وتكەن وقيعانى باياندادى. نۇربولات تۋىسباي ۇلى جولدىڭ ورتاسىنا شىعىپ الاتىن ايەلدى سول ماڭداعى اۋىلداردىڭ ءبىرىنىڭ تۇرعىنى بولۋى مۇمكىن دەپ توپشىلايدى. ول قۇزىرلى ورگان وكىلدەرىنەن كولىك قوزعالىسىنا كەدەرگى كەلتىرەتىن ايەلدىڭ تۋىستارىن تاۋىپ، «قاۋىپتى جولاۋشىنى» جولدان الاستاتۋدى سۇرادى.

الماتى وبلىسىندا مارقۇمنىڭ جاقىندارى سۇمدىق وقيعا جايلى:

«وتكەن اپتادا جولداسىمنىڭ اناسى دا اقتوبە قالاسىندا بولعان جول اپاتىنان قايتىس بولىپ، جەرلەۋ راسىمىنە قاتىسقانىمىزدا ءدال سول جولمەن جۇرگەن ەدىك. كەيىن جەتىسىن بەرىپ، بالدىزدارىممەن بىرگە بەيىت باسىنا بارىپ كەلدىك.

ساپارىمىزدان قايتىپ كەلە جاتقاندا كۇندىز بولاتىن. الدىمىزدا كەلە جاتقان ساپارلاس ادامنان قوڭىراۋ ءتۇستى. تەلەفوننان: «جول ۇستىندە ءبىر ايەل ءجۇر، ابايلاپ وتەرسىڭدەر» دەگەن حابار الدىق. راسىمەن دە، كوپ ۇزاماي، قوبداعا جاقىنداعاندا تراسسانىڭ قاق ورتاسىندا ءبىر ايەل تۇر. ەكى قولىن ەكى جاققا جارتىلاي كوتەرىپ العان. ءبىسمىللامىزدى ايتىپ، جانىنان اقىرىن ءجۇرىپ ءوتىپ كەتتىك. اۋىراتىن كىسى سياقتى… بۇگىنگى اۋىر حاباردى وقىعاننان كەيىن وسى وي مازا بەرمەي قويدى. مەنىڭشە، ول ايەل سول ماڭداعى ءبىر شاعىن اۋىلدىڭ تۇرعىنى بولۋى كەرەك» ، - دەپ جازدى جۋرناليست.

نۇربولات تۋىسباي ۇلى سول ايەل جولعا ءجيى شىعاتىن بولسا، كوپ ادامعا قاۋىپ توندىرەتىنىن ەسكەرتتى.

«كەز كەلگەن ادام ۇلكەن جىلدامدىقپەن كەلىپ جاتىپ، وقىستان ايدالادا جۇرگەن ادامدى كورىپ شوشىپ كەتۋى مۇمكىن، تىزگىننەن ايىرىلۋ دەگەن سول. مۇنى جازعان سەبەبىم، ەگەر سول كىسىنى، تۋعان- تۋىستارىن تابۋ مۇمكىن بولسا، ونى جول بويىنا شىعارماۋدىڭ امالىن جاساۋ كەرەك دەگەنىم عوي»، - دەيدى ول.

نۇربولات تۋىسباي ۇلى جول ورتاسىنا شىعىپ الاتىن ايەلدى نەمەسە ونىڭ تۋىستارىن تاۋىپ، ونى جولعا شىعارماۋ ماقساتىندا ءوز وقيعاسىن جەلىدە جازعانىن ايتتى.

بۇعان دەيىن اقتوبەدە مەكتەپ ديرەكتورلارى جول اپاتىنا ءتۇسىپ، ەكەۋى دە كوز جۇمعانىن جازعان بولاتىنبىز.

aikyn.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات