تاتارستان مەكتەبىندەگى اتىس: جەتى وقۋشى مەن 2 قىزمەتكەر كوز جۇمدى
پرەزيدەنتتىڭ ايتۋىنشا، اتىس سالدارىنان جەتى بالا مەرت بولعان. قازا تاپقانداردىڭ بارلىعى سەگىزىنشى سىنىپ وقۋشىلارى: ءتورت ەر بالا، جەتى قىز بالا. سونداي-اق ءبىر مۇعالىم جانە مەكتەپ قىزمەتكەرى كوز جۇمعان.
بالالار اۋرۋحاناسىندا 18 بالا جاتىر. ولاردىڭ كەيبىرەۋى وق جاراقاتىن العان. ەكى جاس ءوسپىرىم 7№ قالالىق اۋرۋحانادا جانە رەسپۋبليكالىق كلينيكالىق اۋرۋحانادا جاتىر.
ەسكە سالا كەتەيىك، 11- مامىردا قازان قالاسىنداعى فايزي كوشەسىندەگى مەكتەپتە بەلگىسىز ەكى ادام وق جاۋدىرعان بولاتىن. بۇعان دەيىن اتىس كەزىندە 8 ادام قازا تاۋىپ، تاعى 21 ادام زارداپ شەككەنى حابارلاعان ەدى.
ايتا كەتەيىك، مەملەكەت باسشىسى قاسىم-جومارت توقايەۆ قازان قالاسىنداعى گيمنازيادا رەسەيلىك وقۋشىلاردىڭ قازا تابۋىنا بايلانىستى رەسەي فەدەراتسياسىنىڭ پرەزيدەنتى ۆلاديمير پۋتينگە كوڭىل ايتتى.
قايعىلى جاعدايعا بايلانىستى تاتارستان پرەزيدەنتى رۋستام ميننيحانوۆ 12- مامىردى رەسپۋبليكادا ازا تۇتۋ كۇنى دەپ جاريالاعان بولاتىن.