فۋتبولدان چەمپيوندار ليگاسى: فينالعا جولداما العان 2 كوماندا انىقتالدى

نۇر- سۇلتان. قازاقپارات - UEFA چەمپيوندار ليگاسى فينالىنا جولداما العان ەكىنشى كوماندا انىقتالدى، دەپ حابارلايدى قازاقپارات ءتىلشىسى.

بۇل جولى «چەلسي» (انگليا) مەن «رەال مادريد» (يسپانيا) كوماندالارى كەزدەستى. جارتىلاي فينالدىڭ العاشقى ويىنىندا كوماندالار 1:1 ەسەبىنە قاناعات بىلدىرگەن بولاتىن. سوندىقتان بۇگىن ەكى كوماندانىڭ ءبىرى جەڭىسكە جەتۋ جولىن ىزدەۋى ءتيىس ەدى. ويىن بارىسىندا اعىلشىندىق كلۋبتىڭ باسىمدىعى ايڭعارىلىپ تۇردى. قارسىلاستار قاقپاسى ماڭىندا ءجيى بوي كورسەتتى.

ناتيجەسىندە 28-مينۋتتا «چەلسي» شابۋىلشىسى تيمو ۆەرنەر مەرگەندىك تانىتتى. بۇدان كەيىن قوس كوماندانىڭ ەسەپتى وزگەرتەتىن بىرنەشە مۇمكىندىگى بولدى. ويىننىڭ 85-مينۋتىندا اعىلشىندىق كلۋبتىڭ تاعى ءبىر ويىنشىسى مەيسون ماۋنت قورىتىندى ەسەپتە بەلگىلەدى. وسىلايشا «چەلسي» قارسىلاسىن 2:0 ەسەبىمەن تىزە بۇكتىردى. قوس ويىننىڭ ناتيجەسىمەن ولار فينالعا جولداما الدى.

ەستەرىڭىزگە سالا كەتەلىك، جارتىلاي فينالدىڭ تاعى ءبىر جۇبىندا انگليانىڭ «مانچەستەر سيتي» كلۋبى فرانسيانىڭ «پاري سەن- جەرمەنىن» (2:0، 2:1) ورتا جولدا قالدىرىپ كەتتى. ەندى 29 -مامىردا UEFA چەمپيوندار ليگاسىنىڭ فينالى اعىلشىندىق قوس كلۋب كەزدەسەدى. ويىن تۇركيانىڭ ىستانبۇل قالاسىنداعى وليمپيادالىق ستاديوندا بولادى.