+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

ەلىمىزدە قوس ازاماتتىعى بار 2 مەملەكەتتىك قىزمەتشى لاۋازىمىنان بوساتىلدى

13 ءساۋىر 18:00
:ءبولىسۋ
ەلىمىزدە قوس ازاماتتىعى بار 2 مەملەكەتتىك قىزمەتشى لاۋازىمىنان بوساتىلدى

نۇر- سۇلتان. قازاقپارات - ەلىمىزدە قوس ازاماتتىعى بار 2 مەملەكەتتىك قىزمەتشى لاۋازىمىنان بوساتىلدى. بۇل جايىندا سەنات دەپۋتاتىنىڭ ساۋالىنا ق ر مەملەكەتتىك قىزمەت ىستەرى اگەنتتىگىنىڭ ءتورايىمى انار جايىلعانوۆانىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى مەملەكەت باسشىسىنىڭ 2020 -جىلعى 1 -قىركۇيەكتەگى «جاڭا جاعدايداعى قازاقستان: ءىس- قيمىل كەزەڭى» اتتى قازاقستان حالقىنا جولداۋىنىڭ جەكەلەگەن ەرەجەلەرىن ىسكە اسىرۋ ماسەلەسى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قابىلدانىپ، ەڭبەك كودەكسىنە جانە «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭعا ءتيىستى تۇزەتۋلەر ەنگىزىلدى. اتاپ ايتقاندا، رەسپۋبليكا ازاماتتىعىن جويعان نە ودان ايىرىلعان، سونداي- اق شەت مەملەكەتتىڭ ازاماتتىعى بار مەملەكەتتىك قىزمەتكەرشى (كۆازيمەملەكەتتىك سەكتور باسشىلارى) قىزمەتتەن شىعارىلۋعا جاتادى»، - دەدى ول.

اگەنتتىك ءتورايىمىنىڭ اتاپ وتۋىنشە، وسى تالاپتاردى ورىنداۋ تەتىگىن ازىرلەۋ اياسىندا ىشكى ىستەر مينيسترلىگى مەملەكەتتىك ورگاندار ۇسىنعان مەملەكەتتىك قىزمەتكەرلەردىڭ ءتىزىمى بويىنشا ولاردا «قوس ازاماتتىعىنىڭ» بار- جوعىن تەكسەرەدى.

«قازىرگى ۋاقىتتا قوس ازاماتتىقتى انىقتاۋ فاكتىسى بويىنشا مەملەكەتتىك قىزمەتشىلەر (شىمكەنت قالاسىنىڭ سپورت جانە دەنە شىنىقتىرۋ باسقارماسىنىڭ باسشىسى و. پوچيۆالوۆ پەن ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ اقمولا وبلىسى بويىنشا دەپارتامەنتىنىڭ باس مامانى ي. توچيدلوۆسكايا) اتقارىپ وتىرعان لاۋازىمىنان بوساتىلدى. وسىلايشا، مەملەكەتتىك اكىمشىلىك قىزمەتكەرلەرگە قاتىستى بارلىق زاڭنامالىق شارالار قابىلداندى دەپ سانايمىز»، - دەدى انار جايىلعانوۆا.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات