2 - ناۋرىز. قازاقپارات كۇنتىزبەسى
ەستە قالار وقيعالار
1992 -جىلى ب ۇ ۇ باس اسسامبلەياسىنىڭ 46- سەسسياسىنىڭ پلەنارلىق ماجىلىسىندە قازاقستان رەسپۋبليكاسى بىرىككەن ۇلتتار ۇيىمىنا مۇشەلىككە قابىلداندى. شەشىم داۋىسقا سالىنباي، ءبىراۋىزدان ماقۇلداۋ نەگىزىندە قابىلداندى. قازاقستان رەسپۋبليكاسى ب ۇ ۇ- عا مۇشەلىككە قابىلدانعاننان كەيىن، بىردەن تىنىق مۇحيتى جانە ازيا ايماقتارى ەكونوميكالىق جانە الەۋمەتتىك كوميسسيانىڭ مۇشەلىگىنە ءوتتى.
1992 -جىلى الماتىدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ تۇركيانىڭ سىرتقى ىستەر ءمينيسترى حيكمەت چەتين باستاعان ۇكىمەتتىك دەلەگاتسياسىن قابىلدادى. ءوزارا مۇددەلى ماسەلەلەر بويىنشا اۋقىمدى كەلىسسوزدەر جۇرگىزىلدى. سول كۇنى ەكى ەلدىڭ سىرتقى ساياسي ۆەدومستۆولارىنىڭ باسشىلارى ديپلوماتيالىق قارىم- قاتىناستار ورناتىلعانى تۋرالى حاتتاماعا جانە ءوزارا تەڭدىك نەگىزىندە ەكى ەلدىڭ ازاماتتارىن كىرۋ- شىعۋ ۆيزالارىنان بوساتۋ تۋرالى كەلىسىمگە قول قويدى.
1999 -جىلى قازاقستان گيدرومەتەورولوگيا قىزمەتىنە «قازگيدرومەت» رەسپۋبليكالىق مەملەكەتتىك كاسىپورنى (ر م ك) مارتەبەسى بەرىلدى. 1922 -جىلدىڭ قاڭتارىندا نەگىزى قالانعان «قازگيدرومەت» 190 ەلدىڭ قىزمەتتەرىمەن بىرگە بۇكىلالەمدىك مەتەورولوگيا ۇيىمىنىڭ قۇرامىنا كىرەدى.
2001 -جىلى الماتىدا جاستار ساياساتىن بيۋدجەتتىك قارجىلاندىرۋدى وڭتايلاندىرۋ جانە قالالىق جاستار باعدارلامالارىن جۇزەگە اسىرۋ ءۇشىن جاعداي جاساۋ ماقساتىندا جاستار ساياساتىن دامىتۋدىڭ مەملەكەتتىك قورى قۇرىلدى.
2005 -جىلى اقتوبە وبلىستىق ولكەتانۋ مۇراجايىنا ابات- بايتاق كەسەنەسىنىڭ ماڭىنان تابىلعان التىننان جاسالعان بىرەگەي زاتتار (ىدىس، زەرگەرلىك بۇيىمدار، ات ابزەلدەرىنىڭ بولشەكتەرى) بەرىلدى.
2010 -جىلى پاريجدەگى يۋنەسكو- نىڭ شتاب- پاتەرىندە قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ باستاماسىمەن حالىقارالىق مادەنيەتتەر جاقىنداسۋى جىلىنىڭ سالتاناتتى اشىلۋ ءراسىمى بولدى.
2010 -جىلى قازاقستان رەسپۋبليكاسىنىڭ ۇلتتىق بانكى نومينالى 100 تەڭگەلىك «بارىس» مونەتاسىن اينالىمعا شىعاردى. مونەتانىڭ بەت جاعىنىڭ ورتالىق بولىگىندەگى ويۋ- ورنەكتىڭ اياسىندا قازاقستاننىڭ ەلتاڭباسى بەينەلەنگەن.
2010 -جىلى جامبىل وبلىسىنىڭ بايزاق، جامبىل اۋداندارىنىڭ، تاراز قالاسىنىڭ اكىمشىلىك شەكارالارى وزگەرتىلىپ، بايزاق اۋدانىنىڭ 344,65 گەكتارى، جامبىل اۋدانىنىڭ 5609,1 گەكتارلىق بولىگى تاراز قالاسىنىڭ اكىمشىلىك شەكاراسىنا ەنگىزىلدى.
2011 -جىلى استانادا قۇرمانعازى، تاتتىمبەت، قازانعاپ، ابىل، داۋلەتكەرەي، دينا جانە باسقا دا كوپتەگەن قازاق حالىق كومپوزيتورلارىنىڭ كۇيلەرىن تىڭداۋعا جانە كوشىرۋگە بولاتىن جاڭا مامانداندىرىلعان ۆ ە ب- سايت اشىلدى. قازاق حالقى ءۇشىن كۇي - ءتۇرلى داۋىرلەردىڭ وزىندىك مۋزىكالىق ەسكەرتكىشتەرى، كوشپەندىلەر وركەنيەتىنىڭ كوپعاسىرلىق مۋزىكالىق مادەنيەتىنىڭ قۇندى قازىناسى.
2011 -جىلى «بي ءوليمپى» VIII حالىقارالىق حورەوگرافيالىق بايقاۋىنىڭ «حالىق ءبيى» نوميناتسياسىندا الماتى حورەوگرافيالىق ا. ۆ. سەلەزنيەۆ ۋچيليشەسىنىڭ ەكىنشى كۋرس ستۋدەنتى ريزا قانات قىزى التىن مەدالعا يە بولدى. بايقاۋ بەرليندە ءوتتى، وعان الەمنىڭ 24 ەلىنەن 1000 نان استام وكىل قاتىستى.
2012 -جىلى انا مەن بالا ۇلتتىق عىلىمي ورتالىعى پوستكەڭەستىك كەڭىستىكتە جانە شىعىس ەۋروپادا العاش بولىپ حالىقارالىق نارىققا شىعۋعا جانە قازاقستانداعى مەديتسينالىق ءتۋريزمدى دامىتۋعا مۇمكىندىك بەرەتىن JCI حالىقارالىق اككرەديتاتسياسىن الدى. Joint Commission International (JCI) - مەديتسينالىق مەكەمەلەردە قىزمەت كورسەتۋ مەن ەمدەلۋشىلەردىڭ قاۋىپسىزدىگىنىڭ ساپاسىن ارتتىرۋ ماسەلەسىمەن اينالىساتىن حالىقارالىق ۇيىم.
2015 -جىلى قازاقستان بەنيليۋكس مەملەكەتتەرىمەن رەادميسسيا تۋرالى كەلىسىمگە قول قويدى. قۇجات زاڭدىلىق كەڭىستىگى مەن قۇقىقتىق ءتارتىپتى ورناتۋ بويىنشا كۇشتەردى بىرلەستىرۋگە جاڭا مۇمكىندىكتەر بەرەدى. بەنيليۋكس - بەلگيا، نيدەرلاندى جانە ليۋكسەمبۋرگ اراسىندا قۇرىلعان، باتىس ەۋروپاداعى ساياسي، ەكونوميكالىق جانە كەدەندىك وداق رەتىندەگى ۇكىمەتارالىق ۇيىم.
2018 -جىلى استانادا قازاقستان مۇسىلماندارى ءدىني باسقارماسىنىڭ باسشىلىعىمەن ەۋرازيا مۇسىلمان عۇلامالارىنىڭ فورۋمى ءوتتى. شارا اياسىندا ەۋرازيا ەلدەرىندە ءپاتۋا بەرۋدىڭ ورتاق بازاسىن قالىپتاستىرۋ ماسەلەلەرى تالقىلانىپ، «مۇسىلمان ۋمماسىنىڭ تۇلعالىق كەلبەتى» قۇجاتى قابىلداندى. ەۋرازيا مۇسىلمان عۇلامالارى فورۋمىنا ورتالىق ازيا مەن ەۋروپانىڭ 21 ەلىنەن 35 تەن استام دەلەگات قاتىستى. ولاردىڭ اراسىندا باس مۇفتيلەر، ءدىن قايراتكەرلەرى، زيالىق قاۋىم وكىلدەرى، تەولوگ- عالىمدار، وڭىرلەردەگى باس يمامدار بولدى.