ۆاكسيناتسيادان كەيىنگى يممۋنيتەت 2 جىلعا دەيىن ساقتالادى - دارىگەر

تۇركىستان. قازاقپارات - تۇركىستان وبلىسىندا 1-15 - اقپان ارالىعىندا 1110 مەديتسينا قىزمەتكەرى Covid-19-عا قارسى ەكپە سالدىردى.

بۇل تۋرالى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ حابارلايدى.

سوڭعى ءبىر تاۋلىك ىشىندە وڭىردە كوروناۆيرۋس ينفەكسياسىن جۇقتىرۋدىڭ 6 جاعدايى راستالدى. COVID-19 ينفەكسياسىنىڭ كۇندەلىكتى ءوسۋ دەڭگەيى % 0,14 قۇرايدى. پاندەميا باستالعالى بەرى وڭىردە 4215 جاعدايى تىركەلدى. ونىڭ 2704- ءسى سيمپتومسىز بولىپ، 1672- ءى ستاتسيونارلىق ەم قابىلدادى.

ەلىمىزدە حالىقتى كوروناۆيرۋس ينفەكسياسىنا قارسى ۆاكسيناتسيالاۋ 2021 -جىلعى 1- اقپاننان باستالعانى بەلگىلى. 11- اقپانعا دەيىنگى كەزەڭدە ەل اۋماعىندا 14 مىڭعا جۋىق ادام ەگىلدى. قاۋىپتى ىندەتكە قارسى ەگىلگەندەر اراسىندا يممۋنداۋدان كەيىن قولايسىز كورىنىستەر تىركەلگەن جوق. ءبىراق، ىقتيمال رەاكسيالار پايدا بولۋى مۇمكىن - قىزارۋ، ينەكسيا ورنىنداعى اۋىرسىنۋ، تەمپەراتۋرانىڭ جوعارىلاۋى، قان قىسىمىنىڭ قىسقا مەرزىمدى جوعارىلاۋى جانە ت. ب ولار بىرنەشە ساعاتتان بىرنەشە كۇنگە دەيىن سوزىلادى.

كوروناۆيرۋسقا قارسى ۆاكسينانى 21 كۇندىك ارالىقپەن ەكى كەزەڭدە ەنگىزۋ كەرەك. ءبىرىنشى دوزا انتيدەنەلەردىڭ از مولشەرىن وندىرۋگە بايلانىستى قىسقا قورعانىس اسەرىن بەرەدى. ەكىنشى دوزا ءبىرىنشىسىنىڭ اسەرىن كۇشەيتىپ، بەكىتەدى جانە ادام اعزاسىنداعى انتيدەنەلەر سانى ارتادى. ۆاكسينانىڭ ءبىرىنشى جانە ەكىنشى دوزالارى اراسىندا جۇقتىرۋ ىقتيمالدىعى بار، سوندىقتان ۆاكسيناتسيا كەزىندە دارىگەرلەر الدىن- الۋ ەرەجەلەرىن، مىسالى، بەتپەردە كيۋ، قولدى ەمدەۋ، الەۋمەتتىك قاشىقتىق ساقتاۋعا شاقىرادى.

«كلينيكالىق زەرتتەۋلەرگە سايكەس، ۆاكسيناتسيادان كەيىن الىنعان يممۋنيتەت 1 جىلدان 2 جىلعا دەيىن ساقتالادى. سونىمەن قاتار، انتيدەنەلەر كۆي- دان قالپىنا كەلگەننەن كەيىن ورتاشا ەسەپپەن 6 اي ساقتالاتىنى انىقتالدى. وسىلايشا، ۆاكسيناتسيادان كەيىن دەنەنى كۆي- دەن قورعايتىن انتيدەنەلەر ۇزاعىراق ساقتالادى دەپ ايتا الامىز»، - دەپ ءتۇسىندىردى دارىگەر- ەپيدەميولوگ، ق ر د س م د ز س ۇ و سانيتارلىق- ەپيدەميولوگيالىق ساراپتاما جانە مونيتورينگ عىلىمي- پراكتيكالىق ورتالىعىنىڭ ساراپشىسى لەنا قاسابەكوۆا.

اۆتور: بالنۇر قوجاگەلدى