قازاقپارات كۇنتىزبەسى: 2- جەلتوقسان
اتاۋلى كۇندەر
حالىقارالىق قۇلدىقتى جويۋ ءۇشىن كۇرەس كۇنى
ب ۇ ۇ باس اسسامبلەياسىنىڭ شەشىمىمەن اتاپ وتىلەدى. 1949-جىلعى 2- جەلتوقساندا ب ۇ ۇ ب ا 4-سەسسياسى ادام ساتۋ جانە جەزوكشەلىككە پايدالانۋعا قارسى كۇرەس تۋرالى كونۆەنتسيا قابىلدادى.
ەستە قالار وقيعالار
1992-جىلى ماسكەۋدە حالىقارالىق ينجەنەرلىك اكادەميانىڭ جالپى جينالىسى ءوتىپ، وندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ اتالعان اكادەميانىڭ اكادەميگى بولىپ سايلاندى.
2006 -جىلى بىتىمگەرشىلىك باتالونىنىڭ بازاسىندا (كازبات) قازاقستاندىق بىتىمگەرشىلىك بريگادا (قازبريگ) قۇرىلدى. اتالمىش اسكەر سەرىكتەس ەلدەرمەن بىرگە حالىقارالىق دەڭگەيدەگى بەيبىتشىلىك پەن قاۋىپسىزدىكتى قامتاماسىز ەتۋمەن اينالىسادى.
2008 -جىلى استانادا مادەنيەت پەن دىندەردىڭ حالىقارالىق ورتالىعى اشىلدى. ورتالىق قازاقستان رەسپۋبليكاسىنىڭ پرەزيدەنتى ن. نازاربايەۆتىڭ الەمدىك ءداستۇرلى دىندەر كوشباسشىلارىنىڭ Ⅱ سەزىندە كوتەرگەن باستاماسىمەن قۇرىلدى.
2009 -جىلى قاراعاندىدا ءورت قۇربانى بولعان ءورت سوندىرۋشىلەرگە ەسكەرتكىش اشىلدى.
ەسكەرتكىش «ءورت ءسوندىرۋ جانە اپاتتىق-قۇتقارۋ جۇمىستارى قىزمەتى» مەملەكەتتىك مەكەمەسى ءۇيىنىڭ جانىندا ورناتىلدى. ول وبلىس توتەنشە جاعدايلار دەپارتامەنتىنىڭ جانە ونىڭ بولىمشەلەرى قىزمەتكەرلەرىنىڭ ەرىكتى قايىرىمدىلىق قاراجاتىنا سالىندى.
2011 -جىلى تاشكەنتتە قازاقستان پرەزيدەنتى نۇرسۇلتان نازاربايەۆتىڭ «قازاقستاندىق جول» اتتى كىتابى وزبەك تىلىندە شىقتى.
وندا قازاقستاننىڭ جاڭا تاريحىنىڭ ەڭ كۇردەلى ءارى ەڭ جارقىن ساتتەرى تۋرالى باياندالعان.
2011 -جىلى باكۋدە ت م د- عا قاتىسۋشى مەملەكەتتەردىڭ IV حالىقارالىق بانك كونفەرەنتسياسى اياسىندا «ينۆەستيتسيالىق پەرىشتە» حالىقارالىق ينۆەستيتسيالىق سىيلىعىمەن ماراپاتتاۋ ءراسىمى ءوتتى.
«ت م د- نىڭ ەڭ سەرپىندى دامىعان سۋبەكتىسى» اتالىمىندا ت م د مەملەكەتتەرى اراسىنداعى كەيىنگى 15 جىلداعى تىكەلەي شەتەلدىك ينۆەستيتسيالار اعىنى بويىنشا كوشباسشى بولعان قاراعاندى وبلىسى جەڭىمپاز اتاندى.
2014 -جىلى قازاقستان پرەزيدەنتى نۇرسۇلتان نازاربايەۆ تۇرىكمەنستاننىڭ جوعارى اتاعى «حالقىنىڭ قۇرمەتتى اقساقالى» اتاعىنا يە بولدى.
2015 -جىلى تۇركيا استاناسى انكارادا قازاقستان پرەزيدەنتى نۇرسۇلتان نازاربايەۆتىڭ قىزمەتىنە قاتىستى سۋرەتتەر مەن كارتينالار، ەكسپوناتتاردىڭ كورمەسى اشىلدى.
2016 -جىلى قازاقستاندىق شاحماتشى جانسايا ابدىمالىك پولشانىڭ ۆروتسلاۆ قالاسىندا وتكەن گروسسمەيستەر كريستينا رادزيكوۆسكايانى ەسكە الۋعا ارنالعان حالىقارالىق تۋرنيرىندە جەڭىسكە جەتتى. توعىز راۋندتىڭ قورىتىندىسى بويىنشا جانسايا 7 بال جيناپ، رەسەيلىك گروسسمەيستەر اناستاسيا بودنارۋكتى جانە ەۋروپا چەمپيوناتىنىڭ قولا جۇلدەگەرى پولشالىق مونيكا سوتسكونى باسىپ وزدى.
2016 -جىلى ەلورداعا قازاقستاندىق عارىش تاريحى مۇراجايى ءۇشىن بىرەگەي ەكسپوناتتار جەتكىزىلدى. ماسكەۋ ماڭىنداعى كوروليەۆ قالاسىنان ارنايى اۆتوفۋرگونمەن جەرگە قوناتىن اپپاراتتىڭ ماكەتى جانە قازاقستاندىق عارىشكەر ايدىن ايىمبەتوۆتىڭ سكافاندر ماكەتى اكەلىندى.
2017 -جىلى اقتوبەدەگى تۇڭعىش پرەزيدەنت اتىنداعى ورتالىق ساياباق جانىنان «قازاقستان حالقىنا مىڭ العىس» ستەللاسى بوي كوتەردى. قازاقستان حالقىنىڭ بىرلىگىن، تاتۋلىعىن بىلدىرەتىن ەسكەرتكىشتىڭ بيىكتىگى 30 مەتر، كومپوزيتسياسى 5 بولىكتەن تۇرادى.
ستەللادا قازاقستاننىڭ كارتاسى بەينەلەنگەن. بۇل - ەل شەكاراسىن ايقىنداپ، لاندشافتى مەن وبلىستاردىڭ ورنالاسۋىن، استانا قالاسى تۋرالى اقپارات بەرەتىن بولىگى.
2018 -جىلى يسپانيا استاناسىندا دامۋ جونىندەگى حالىقارالىق ىنتىماقتاستىق بويىنشا يسپان اگەنتتىگىنىڭ (AECID) كىتاپحاناسىندا قازاق ادەبيەتى مەن ونەر ورتالىعىنىڭ اشىلۋ ءراسىمى ءوتتى.
شارا سوڭىندا قازاقستان رەسپۋبليكاسىنىڭ ۇلتتىق اكادەميالىق كىتاپحاناسى مەن دامۋ جونىندەگى حالىقارالىق ىنتىماقتاستىق بويىنشا يسپان اگەنتتىگىنىڭ (AECID) كىتاپحاناسى اراسىندا ىنتىماقتاستىق حاتتاماسىنا قول قويىلدى.
2019 -جىلى تۇركىستان وبلىسىنىڭ وتىرار اۋدانىنىندا «رۋحاني جاڭعىرۋ» باعدارلاماسىن جۇزەگە اسىرۋ اياسىندا قۇرىلعان جانە وتىرار مەملەكەتتىك ارحەولوگيالىق مۋزەيىنىڭ اۋماعىندا ورنالاسقان ەلىمىزدەگى العاشقى تۋريستىك ورتالىق اشىلدى.
ول قازاقستاندىقتار مەن شەتەلدىكتەر اراسىندا وتىرار قالاسىنىڭ قايتالانباس وازيسى مەن باي مۇراسىن ناسيحاتتاۋ، مادەني-تاريحي مۇرانىڭ ساقتالۋىن جانە قورعالۋىن قامتاماسىز ەتەدى.