«قارا بۇركىت» تۇرمەسىندە وتىرعان قىلمىسكەردىڭ تاعى 2 ايەلدى ولتىرگەنى بەلگىلى بولدى
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا القا بيلەردىڭ قاتىسۋىمەن قىلمىستىق كودەكستىڭ 96-بابى، 2-بولىگى، «ا، ج، س» تارماقتارىمەن (پايداكۇنەمدىك نيەتپەن، الدىن الا ءسوز بايلاسۋ ارقىلى ادامدار توبى جاساعان، ەكى نەمەسە ودان كوپ ادامدى ءولتىرۋ) جانە 385-باپتىڭ 3-بولىگىمەن سوتقا بەرىلگەن س- عا قاتىستى قىلمىستىق ءىس اياقتالدى.
سوتتىڭ 2013-جىلعى ۇكىمىمەن وعان 8 ادامدى ولتىرگەنى ءۇشىن ءومىر بويىنا باس بوستاندىعىنان ايىرۋ جازاسى تاعايىندالعان. س. جازاسىن «قارا بۇركىت» قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىندە وتەپ جاتقاندا س- نىڭ تاعى ەكى جازىقسىز ايەلدى ولتىرۋگە قاتىسقانى انىقتالدى.
2001-جىلدىڭ كۇزىندە س. جابىرلەنۋشىلەر ب. مەن ك- عا ولاردىڭ پاتەرىن يەمدەنۋ ماقساتىندا سەنىم ءبىلدىردى.
2001-جىلدىڭ قازان ايىندا ول وزىنە جانە ب- عا سەنىم ارتقان ازاماتتاردى جالعا العان ۇيگە شاقىرىپ، وندا ول باسقا ادامدارمەن بىرگە ولاردى ولتىرگەن. كەيىننەن س. جانە باسقا ادامدار مەنشىك قۇقىعىنىڭ قۇجاتتارىن يەمدەنىپ، جالعان سەنىمحات ارقالى پاتەرلەردى ساتقان.
القابيلەردىڭ شەشىمىمەن ول ءبىراۋىزدان قىلمىستىق كودەكستىڭ 96-بابى، 2-بولىگى، «ا، ج، ز» تارماقتارىمەن كىنالى دەپ تانىلىپ، وعان قايتادان ءومىر بويىنا باس بوستاندىعىنان ايىرۋ جازاسى تاعايىندالدى.
ۇكىم زاڭدى كۇشىنە ەنگەن جوق.