اليمەنت تولەمەگەن بورىشكەردىڭ 2 بولمەلى پاتەرى مەن اۆتوكولىگى تاركىلەندى

None
None
نۇر-سۇلتان. قازاقپارات - ءۇش بالاسىنا 21,6 ميلليون تەڭگە اليمەنت تولەمەگەن بورىشكەردىڭ 2 بولمەلى پاتەرى مەن اۆتوكولىگى الىندى، دەپ حابارلايدى قازاقپارات ادىلەت مينيسترلىگىنىڭ سايتىنا سىلتەمە جاساپ.

«2017-جىلدان باستاپ بورىشكەردىڭ ءۇش بالاسىنا جالپى سوماسى 21601205 تەڭگە اليمەنت بەرەشەگى بولعان. الماتى وبلىسى قاپشاعاي قالاسىنىڭ جەكە سوت ورىنداۋشىسى ونىڭ وسى قارىزى ءۇشىن الماتى قالاسىندا 2 بولمەلى پاتەرى مەن كولىگىن تاركىلەدى»، دەلىنگەن حابارلامادا.

اليمەنت بويىنشا بەرەشەك، سالىق ورگاندارىنىڭ مالىمەتىنە سايكەس بورىشكەردىڭ اي سايىنعى تابىسى 1,2 ميلليون تەڭگە سوماسىندا بەلگىلەنگەننەن كەيىن پايدا بولعان. سونىمەن قاتار، بورىشكەردىڭ اتىنا تىركەلگەن جىلجىمالى جانە جىلجىمايتىن مۇلىك انىقتالىپ، ولارعا تىيىم سالىنىپ باعالاۋ جۇرگىزىلگەن.

«بورىشكەر بىرنەشە رەت جەكە سوت ورىنداۋشىسىنا شاقىرىلىپ، بالالارىن اسىراۋعا اليمەنت تولەۋ قاجەتتىلىگى تۋرالى ەسكەرتىلدى. الايدا ول سوت شەشىمىن ورىنداۋدان باس تارتتى. بورىشكەردىڭ جالپى قۇنى 16824112 تەڭگە بولاتىن تىركەمەسى بار «Toyota Camry» ماركالى اۆتوماشيناسى (باعالاۋ قۇنى 3190290 تەڭگە) جانە 2 بولمەلى پاتەرى (باعالاۋ قۇنى 13633822 تەڭگە) ءوندىرىپ الۋشىعا زاتتاي بەرىلدى. قازىرگى ۋاقىتتا اليمەنت بەرەشەگى 4777093 تەڭگە»، دەلىنگەن حابارلامادا.

سوڭعى جاڭالىقتار