16:43, 27 - قازان 2020 | GMT +6
جامبىلدا ورىس ءتىلى مۇعالىمى 2 جىل بويى جالعان ديپلوممەن ساباق بەرىپ كەلگەن
جامبىل وبلىسى. قازاقپارات - جامبىل وبلىسى تۇرار رىسقۇلوۆ اۋدانىنىڭ پروكۋراتۋراسى ورتا مەكتەپتىڭ ورىس ءتىلى مۇعالىمىنىڭ جالعان ديپلوممەن 2 جىل بويى ءبىلىم بەرىپ كەلگەنىن انىقتادى.
بۇل جايىندا وبلىستىق پروكۋراتۋراعا سىلتەمە جاساپ قازاقپارات حابارلايدى.
وسى جىلعى 15- قازانداعى سوت ۇكىمىمەن اتالعان ادام جالعان ديپلومدى پايدالانعانى ءۇشىن 80 ساعاتقا سوتتالىپ، مەملەكەت كىرىسىنە 1 ميلليون تەڭگەدەن استام زالال ءوندىرىلدى. «اۋدان پروكۋراتۋراسى ق ر زاڭدارىن بۇزباۋعا شاقىرادى. ال ەگەر ءسىز وسىنداي جاعدايلارعا كۋا بولساڭىز، ازاماتتىق باستاما كوتەرىپ، قۇقىق قورعاۋ ورگاندارىنا حابارلاڭىز. ويتكەنى، ءبىزدىڭ بالالارىمىزدىڭ بولاشاعى ءبىلىم ساپاسىنا بايلانىستى» دەلىنگەن حابارلامادا.