+7 (701) 759 90 19
-7 °С : نۇر-سۇلتان
-10 °С : الماتى
USD 428.07 EUR 507.61
RUB 5.62 CNY 65.15
جاڭالىقتار

قازاقشا دىبىستى ماتىنگە اينالدىرۋ جوباسىنا 2 مىڭ ەرىكتى قاتىسقان

27 قازان 11:54
:ءبولىسۋ
قازاقشا دىبىستى ماتىنگە اينالدىرۋ جوباسىنا 2 مىڭ ەرىكتى قاتىسقان

نۇر-سۇلتان. قازاقپارات - نازاربايەۆ ۋنيۆەرسيتەتىنىڭ عالىمدارى قازاق تىلىندەگى Siri جانە Alexa سياقتى دىبىس قوسىمشالارىنىڭ قازاقشا ءتۇرىن شىعارعان.

بۇل دەرەكتەر بازاسى قازاقشا ءسوز تانۋ جانە سينتەزى تەحنولوگيانى ازىرلەۋ ءۇشىن جاسالدى. ول ءۇشىن ماماندار 2000 ادامنىڭ داۋىسىن جازعان. قوسىمشانىڭ جاسالۋىنا اتسالىسقان ەرىكتىلەر الەۋمەتتىك جەلىلەر ارقىلى قىزىعۋشىلىق بىلدىرگەن.

سونىمەن قاتار قوسىمشا ەرەكشە قاجەتتىلىكتەرى بار ادامدارعا كومەكتەسەتىن داۋىستىق جانە ماتىندىك باعدارلاما رەتىندە قولدانۋعا بولادى.

ولار 300 ساعات بويى 154 مىڭ سويلەم وقىعان. سونداي-اق بۇل باستاما داۋىس تانۋ قوسىمشالارىندا سوزدەر مەن سويلەمدەردىڭ ماعىناسىن تۇسىنۋگە جانە ەڭ باستىسى، قازاق ءتىلىنىڭ دامۋىنا ۇلەس قوسادى. قوسىمشا تۋرالى تولىعىراق نازاربايەۆ ۋنيۆەرسيتەتىنىڭ كومپيۋتەرلىك ينجەنەرى الماس مىرزاحمەتوۆ zhuldyzfm «كەشكى شوۋىنىڭ» ەفيرىندە ايتىپ بەردى، - دەپ حابارلايدى Tengrinews.kz ءتىلشىسى.

قازاقستاندىقتار ءۇشىن قانداي پايداسى بار؟

«بۇل جوبانى وسى جىلعى كوكتەمنىڭ اياعىندا باستاعانبىز. قازىردىڭ وزىندە ءبىرشاما اۋديو دەرەكتەردى جيناقتادىق. جوبانى باستاۋ ءۇشىن بىرنەشە سەبەپ بولدى. بىرىنشىدەن، وسى ۋاقىتقا دەيىن جاسالعان قازاق ءتىلىنىڭ كورپۋسى كوپشىلىككە قولجەتىمدى بولمادى نەمەسە بازانىڭ كولەمى وتە از بولاتىن. سونداعى ءبىزدىڭ ماقساتىمىز قازاق ءتىلىنىڭ تولىققاندى اۋديودىبىستىق بازاسىن قۇرۋ بولعان. ەكىنشىدەن، قازىر - اقپاراتتىق تەحنولوگيالار دامىعان زامان. قازاق ءتىلىنىڭ اقپاراتتىق تەحنولوگيالىق اياسىنا كىرۋى ءبىزدىڭ ءتىلىمىزدىڭ دامۋىنىڭ كەپىلى بولىپ سانالادى دەپ ويلايمىز. سول ءۇشىن بۇل جوبامەن اينالىسامىز دەپ شەشتىك. قازىر ءبىز جەتىستىككە جەتتىك دەپ سانايمىز. ارينە، جوبا ءالى دە جالعاسىپ جاتىر»، - دەپ تانىستىردى جوبانى جاس عالىم.

قوسىمشا قولدانىسقا تولىق ەندى مە؟

«نەگىزىندە ءبىز وسى مالىمەتتەرگە بايلانىستى باعدارلامانى جاسادىق. ول باعدارلامانى ءبىزدىڭ سايتىمىزدان كورە الاسىزدار. وندا ءوزىڭىز دىبىستىق اۋديو جازىپ، اپساتتە ماتىنگە اينالعانىن كورە الاسىزدار. ازىرگە ءبىز جاساعان باعدارلاما وسىلاي. ءبىراق ۋاقىت وتكەن سايىن مالىمەت جينالا تۇسەدى جانە باعدارلاما دا كۇشەيە تۇسەدى دەپ ويلايمىز»، - دەدى مامان.

قوسىمشانى قايدان تاۋىپ، قالاي تەكسەرىپ كورەمىز؟

«قوسىمشانى جۇكتەۋ بولعاندا... ازىرگە ءسىز قازاق تىلىندەگى اۋديونى ماتىنگە تەك ينستيتۋت سايتىندا جاساي الاسىز. ءبىزدىڭ ينستيتۋت اقىلدى جۇيەلەر مەن جاساندى ينتەللەكت ينستيتۋتى دەپ اتالادى. سايتىمىزعا issai.nu.edu.kz كىرگەندە باستى بەتتەگى جاڭالىقتار بولىمىنە كىرسەڭىز بولادى. نەمەسە سول باستى بەتتە قازاق ءتىلىنىڭ كورپۋسىنا اپاراتىن سىلتەمە كورسەتىلگەن. سوعان باسساڭىزدار ءبىزدىڭ باعدارلاماعا اپارادى»، - دەدى الماس مىرزاحمەتوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات