ق ر س ءى م «بورات-2» فيلمىنە بايلانىستى قازاقستاندىقتاردىڭ وتىنىشتەرىنە تۇسىنىكتەمە بەردى

نۇر-سۇلتان. قازاقپارات - ق ر سىرتقى ىستەر مينيسترلىگى «بورات-2» فيلمىنىڭ شىعۋىنا بايلانىستى قازاقستان ازاماتتارىنىڭ وتىنىشتەرىنە تۇسىنىكتە بەردى، دەپ حابارلايدى قازاقپارات سءى م سىلتەمە جاساپ.

«بورات-2 فيلمى - كوممەرتسيالىق جوبا. فيلم اۆتورلارى ق ر بيلىگىنىڭ رەسمي نارازىلىعىن ارانداتىپ، ءوز فيلمىنە جاقسى جارناما جاساماق. ارانداتۋشىلىق ماقساتتا قازاقستان حالقى دا، ونىڭ مەملەكەتتىك رامىزدەرى دە مازاققا سالىنۋدا. نارازىلىق نوتا جولداۋ ماعىناسىز، ويتكەنى ونىڭ ادرەساتى جوق. نەعۇرلىم دۇرلىكتىرە بەرسەك، سوعۇرلىم فيلم اۆتورلارى پايدا تابادى. ۇلكەن پايدا تابۋ اۆتورلاردى فيلمدى جالعاستىرۋعا يتەرمەلەيدى. نەگىزىندە، فيلمدە ناسىلشىلدىك پەن كسەنوفوبيانىڭ ايقىن فورماسى بار. ءبىزدىڭ ازاماتتارىمىز اشىق ءناسىلشىل شابۋىلدارعا ءادىل نارازى»، - دەلىنگەن حابارلامادا.