مىسىردان پ ت ر انىقتاماسىز ۇشىپ كەلگەن 2 ەلوردالىق اۋەجايدان قاشىپ كەتتى
«بۇگىن تۇندە شارم-ەل-شەيحتان پ ت ر انىقتاماسىز ۇشىپ كەلگەن نۇر-سۇلتان قالاسىنىڭ 2 تۇرعىنى پ ت ر ساراپتاما تاپسىرۋ ءۇشىن كارانتينگە اپاراتىن ارناۋلى اۆتوبۋسقا وتىرعىزۋ بارىسىندا اۋەجايدان قاشىپ كەتتى. كولىكتەگى پوليتسيا قىزمەتكەرلەرى شۇعىل ارادا ولاردىڭ تۇرعىلىقتى جەرلەرىن انىقتاپ، كارانتيندىك ستاتسونارعا جەتكىزدى»، - دەپ جازدى ق ر كولىكتەگى باس مەملەكەتتىك سانيتار دارىگەر سادۋاقاس بايعابىلوۆ Facebook پاراقشاسىندا.
23- قازان كۇنى تۇندە ەلىمىزگە 11 رەيسپەن 1291 جولاۋشى ۇشىپ كەلدى.
«ولاردى 962-سىندە پ ت ر انىقتاما بولسا، 329 جولاۋشىدا انىقتاما بولماي شىقتى. بۇل رەتتە نۇر-سۇلتان قالاسىنا 5 رەيسپەن كەلگەن 522 جولاۋشىنىڭ 373 ىندە انىقتاما بولسا، 149 ىندا انىقتاما بولمادى. الماتىعا 5 رەيسپەن 728 جولاۋشى كەلدى. ونىڭ 548 ءى انىقتامامەن، 180 ءى انىقتاماسىز جەتكەن. ال اقتاۋعا 1 رەيسپەن جەتكەن 41 جولاۋشىنىڭ بارلىعىنىڭ انىقتاماسى بار»، - دەدى سانيتار دارىگەر.
ونىڭ اتاپ وتۋىنشە، انىقتاماسىز ۇشىپ كەلگەن قازاقستان ازاماتتارى پتر ساراپتاما تاپسىرۋ ءۇشىن نۇر-سۇلتان جانە الماتى قالالارىندا كارانتيندىك ستاتسيونارعا جاتقىزىلدى.
«جولاۋشىلار تۇركيا، مىسىر، ب ا ءا، بەلارۋس، گرۋزيا جانە رەسەيدەن حالىقارالىق اۋە رەيستەرىمەن كەلدى»، - دەدى ول.