10:56, 21 - قازان 2020 | GMT +6
ءماجىلىس كوميتەتتەرىنىڭ ءتوراعاسى مەن 2 حاتشىسى وپپوزيتسيا دەپۋتاتتارى اراسىنان سايلانادى
نۇر-سۇلتان. قازاقپارات - پارلامەنت ءماجىلىسى تۇراقتى كوميتەتتەرىنىڭ ءبىر ءتوراعاسى مەن ەكى حاتشىسى پارلامەنتتىك وپپوزيتسيا دەپۋتاتتارى اراسىنان سايلانادى.
بۇل تۋرالى ق ر پرەزيدەنتىنىڭ ءماجىلىس جانە ءماسليحات دەپۋتاتتارىنىڭ سايلاۋى تۋرالى ۇندەۋىندە ايتىلعان، دەپ حابارلايدى قازاقپارات.
«ەندى پارلامەنت ءماجىلىسى تۇراقتى كوميتەتتەرىنىڭ ءبىر ءتوراعاسى مەن ەكى حاتشىسى پارلامەنتتىك وپپوزيتسيا دەپۋتاتتارى اراسىنان سايلانادى. سونىمەن قاتار، پارلامەنتتىك وپپوزيتسيا ءبىر سەسسيا كەزىندە كەمىندە ءبىر رەت پارلامەنتتىك تىڭداۋ وتكىزۋ جونىندە باستاما كوتەرۋ قۇقىعىن يەلەنەدى. سونداي-اق ءبىر سەسسيا كەزىندە كەمىندە ەكى رەت ۇكىمەت ساعاتىنىڭ كۇن ءتارتىبىن ايقىندايتىن بولادى»، - دەلىنگەن پرەزيدەنت ۇندەۋىندە.