2 مىڭ جىل بۇرىن سالىنعان مىسىقتىڭ سۋرەتى تابىلدى

نۇر-سۇلتان. قازاقپارات - ارحەولوگتار پەرۋ وڭتۇستىگىندەگى ناسكا ۇستىرتىندە جۇرگىزىلگەن قازبا جۇمىستارى كەزىندە الىپ مىسىقتىڭ بەينەسىن تاپتى.

گەوگليفتىڭ (جەردەگى سۋرەت) ۇزىندىعى - 37 مەتر، جاسى - 2000 جىل.

تاۋ بەتكەيىنە سالىنعان سۋرەتتە مىسىقتى سول جاعىمەن جاتقانىن كورۋگە بولادى. پەرۋ مادەنيەت مينيسترلىگىنىڭ حابارلاۋىنشا، وراسان زور سۋرەت باقىلاۋ مايدانىن قالپىنا كەلتىرۋ جۇمىستارى كەزىندە تابىلعان. گەوگليف ەروزياعا بايلانىستى جوعالىپ كەتۋى مۇمكىن.

بۇل سۋرەت پاراكاساس داۋىرىنە جاتاتىن سۋرەتتەردىڭ ىشىندەگى ەڭ كونەسى سانالادى، ولاردىڭ كوپشىلىگى ءبىزدىڭ داۋىرىمىزگە دەيىنگى 100-200 -جىلدارعا تيەسىلى.

ايتا كەتەيىك، كوپشىلىككە تانىمال گەوگليفتەر پەرۋدىڭ وڭتۇستىگىندەگى ناسكا ۇستىرتىندە ورنالاسقان. وندا 30 شاقتى سۋرەت، 13 مىڭعا جۋىق سىزىق- جولاقتار جانە 700 دەي گەومەتريالىق پىشىندەر بەينەلەنگەن. ولاردان بولەك، اتاكاما شولىندەگى الىپ (چيلي) ، اند شىراعدانى (پەرۋ) ، بلايت پىشىندەرى (ا ق ش) ، ۋففينگتوندىق اق ات (انگليا) سىندى جەر بەتىنە سالىنعان ءبىرقاتار سۋرەتتەر بەلگىلى.

سونداي- اق، ناسكا ۇستىرتىندەگى گەوگليفتەر يۋنەسكو- نىڭ بۇكىلالەمدىك مۇرالار تىزىمىنە ەنگىزىلگەن.

massaget.kz