قىتايدىڭ 2 قالاسىندا كوروناۆيرۋسقا قارسى ۆاكسيناتسيالاۋ باستالدى

بەيجىڭ. قازاقپارات - قىتايدىڭ شىعىسىنداعى جىجياڭ پروۆينتسياسىنىڭ يۋ جانە جىجياڭ قالالارىندا جەرگىلىكتى حالىقتى ۆاكسينالاۋ ناۋقانى باستالدى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

ۆاكسينا ەرىكتىلەرگە سالىنادى. 18-دەن 59 جاسقا دەيىنگى تۇلعالار ۆاكسيناتسيا الۋعا رۇقسات ەتىلگەن. ۆاكسيناتسيا جوسپارى ەكى ساتىدان تۇرادى. ءبىر دوزانىڭ قۇنى - 200 يۋان (شامامەن 30 دوللار). ۆاكسينانى جۇرگىزۋ ارالىعى 14-تەن 28 كۇنگە دەيىن. ۆاكسيناتسيادان بۇرىن ەكپەگە جازباشا كەلىسىم بەرىپ، جاناما اسەرلەر تۋىنداعان جاعدايدا مەديتسينالىق ساقتاندىرۋدى راسىمدەۋ كەرەك.

ەرىكتى كەلىسىم بويىنشا جاعىمسىز رەاكسيالاردىڭ ءۇش ساناتى سيپاتتالعان: ءجيى جاعىمسىز رەاكسيالار، سيرەك جانە وتە سيرەك جاناما رەاكسيالار. ءجيى جاعىمسىز رەاكسيالار اراسىندا: قاتتى قىزارۋ جانە ءىسىنۋ، سونداي- اق دەنە قىزۋىنىڭ قىسقا مەرزىمدە جوعارىلاۋى. سيرەك جاعىمسىز رەاكسيالار: قاتتى قىزارۋ جانە ءىسىنۋ، قالتىراۋ. وتە سيرەك كەزدەسەتىن جاعىمسىز رەاكسيالاردىڭ ىشىندە جەرگىلىكتى اسەپتيكالىق ابستسەسس، اللەرگيالىق بورتپە، انافيلاكتيكالىق شوك كورسەتىلگەن.

ساقتىق شارالارىنىڭ ىشىندە بۇرىن COVID-19 جۇقتىرعان ادامدار، سونداي- اق نۋكلەين قىشقىلى نەمەسە انتيدەنەلەرگە تاپسىرعان تالداۋلار وڭ ناتيجە كورسەتكەن ادامدار ۆاكسيناتسياعا جىبەرىلمەيدى. جۇكتى ايەلدەرگە، بالا ەمىزەتىن انالارعا، سونداي- اق ۆاكسيناتسيادان كەيىن ءۇش ايدان كەيىن بالالى بولۋدى جوسپارلاعان ادامدارعا ۆاكسيناتسيانى الۋ كەيىنگە قالدىرۋ ۇسىنىلادى.

جىجياڭ پروۆينتسياسىنىڭ ەكى قالاسىنا كوروناۆيرۋسقا قارسى ۆاكسينانى جەتكىزۋشى –

Beijing Kexing Zhongwei Biotechnology Co., Ltd

كومپانياسى، ولاردىڭ پرەپاراتى كلينيكالىق زەرتتەۋلەردىڭ ءۇشىنشى ساتىسىندا.

اۆتور: اياۋلىم التىنبەك