08:55, 14 - قازان 2020 | GMT +6
وڭتۇستىك كورەيادا قازاقستاننىڭ 2 ازاماتى قازا تاپتى
نۇر-سۇلتان. قازاقپارات - وڭتۇستىك كورەيادا قازاقستاننىڭ 2 ازاماتى قازا تاپتى.
بۇل اقپاراتتى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ راستادى، دەپ حابارلايدى قازاقپارات ءتىلشىسى.
«2020 -جىلعى 12-قازاندا وڭتۇستىك كورەيادا ەكى قازاقستاندىق قازا تاپتى. جەرگىلىكتى پوليتسيانىڭ ديپلوماتتارىمىزعا بەرگەن الدىن الا اقپاراتىنا سايكەس، جۇمىس ورنىندا قاۋىپسىزدىك ەرەجەلەرىن ساقتاماۋ سالدارىنان العان جاراقاتتان قازا بولعان. اتالعان جاعدايلار بويىنشا تەرگەۋ جۇمىستارى باستالدى. وتانداستارىمىز كورەيادا زاڭسىز جۇرگەنىن اتاپ ءوتۋ قاجەت»، - دەدى ول. رەسمي وكىلدىڭ اتاپ وتۋىنشە، مارقۇمداردىڭ تۋىستارىمەن بايلانىس ورناتىلعان.
«ەلشىلىكتىڭ كونسۋلدىق ءبولىمى بارلىق قاجەتتى قۇجاتتاردى راسىمدەپ، ازاماتتارىمىزدىڭ مۇردەلەلەرىن ەلگە جەتكىزۋ بويىنشا ءتيىستى شارالاردى قابىلداۋدا»، - دەدى ول.
اۆتور: مارلان جيەمباي