كوكشەتاۋ ماڭىنداعى جول اپاتى 2 ادامنىڭ ءومىرىن قيىپ كەتتى

كوكشەتاۋ. قازاقپارات - كوكشەتاۋ قالاسىنىڭ ماڭىندا جول اپاتى ورىن الىپ، 2 ادام كوز جۇمدى، تاعى 2 ادام ءتۇرلى دەنە جاراقاتىمەن اۋرۋحاناعا جەتكىزىلدى، دەپ حابارلايدى قازاقپارات ءتىلشىسى.

اقمولا وبلىستىق پ د مالىمەتىنشە، جول اپاتى 2020-جىلعى قىركۇيەكتىڭ 30 دا ساعات 16:44 شاماسىندا «نۇر- سۇلتان - پەتروپاۆل» تاس جولىنىڭ كوكشەتاۋ قالاسىنان جەتىنشى شاقىرىم تۇسىندا ورىن العان.

«انىقتالعانداي، پەتروپاۆل قالاسىنا باعىت العان «ۆاز-2106» جەڭىل كولىگىنىڭ جۇرگىزۋشىسى جولدىڭ شەتىندە تۇرعان «Foton» كولىگىنە سوعىلعان. سوڭعىسىنىڭ جۇرگىزۋشىسى كولىكتىڭ دوڭگەلەگىن اۋىستىرىپ جاتقان. جول اپاتىنان جەڭىل كولىكتىڭ ەكى جولاۋشىسى وقيعا ورنىندا كوز جۇمدى. ال، جۇرگىزۋشىسى مەن تاعى ءبىر جولاۋشى ءتۇرلى دەنە جاراقاتىمەن اقمولا وبلىستىق كوپبەيىندى اۋرۋحاناسىنا جەتكىزىلدى»، - دەيدى ۆەدومستۆونىڭ باسپا ءسوز قىزمەتى. قازىرگى كەزدە جول اپاتىنا بايلانىستى سوتقا دەيىنگى تەرگەۋ امالدارى باستالىپ كەتتى.