+7 (701) 759 90 19
-4 °С : نۇر-سۇلتان
-2 °С : الماتى
USD 432.23 EUR 506.79
RUB 5.45 CNY 64.44
جاڭالىقتار

ەلوردادا ماس كۇيدە 2 بالانى قاعىپ كەتكەن جۇكتى ايەل جازاسىن تۇرمەدە وتەيتىن بولدى

24 قىركۇيەك 22:08
:ءبولىسۋ
ەلوردادا ماس كۇيدە 2 بالانى قاعىپ كەتكەن جۇكتى ايەل جازاسىن تۇرمەدە وتەيتىن بولدى

نۇر-سۇلتان. قازاقپارات - وسى جىلدىڭ ماۋسىم ايىندا ماس كۇيدە ءۇش ادامدى (ونىڭ ەكەۋى بالا) قاعىپ كەتكەن ايەلگە سوت ۇكىم شىعاردى، دەپ حابارلايدى قازاقپارات ءتىلشىسى.

«2020 -جىلدىڭ 16-قىركۇيەگىندە نۇر-سۇلتان قالاسىنىڭ سارىارقا اۋداندىق №2-سوتى ا. ج. ەرعازيناعا قاتىستى ۇكىم شىعاردى. ەرعازينانىڭ ەكى بالا مەن ءبىر ەرەسەك ادامدى قاعىپ كەتكەنى انىقتالدى. ونىڭ ەكەۋى اۋىر، بىرەۋى ورتا دارەجەدە جاراقات العان. سوت وتىرىسىندا جابىرلەنۋشىلەر زاڭ بويىنشا جازا بەرۋدى تالاپ ەتتى»، - دەپ حابارلايدى نۇر-سۇلتان قالاسىنىڭ سارىارقا اۋداندىق №2-سوتىنان.

ايىپتالۋشىنىڭ ادۆوكاتى ايەلدى باس بوستاندىعىنان ايىرماۋدى سۇراپتى. سەبەبى ونىڭ اياعى اۋىر، بالاسى دا بار. قىلمىستىق كودەكستىڭ 345-بابى 1-بولىگىمەن ايىپتالعان ادام ايىپپۇل تولەۋى، قوعامدىق جۇمىسقا تارتىلۋى نەمەسە 3 جىلعا دەيىن باس بوستاندىعىنان ايىرىلۋى كەرەك.

«سوت قىلمىستىڭ اۋىرلىعىن، بالالاردىڭ زارداپ شەككەنىن ەسكەرە وتىرىپ، ايىپتالۋشىنى 2 جىل 6 ايعا باس بوستاندىعىنان ايىرۋ تۋرالى شەشىم شىعاردى. سونىمەن بىرگە سوتتالۋشى 10 جىلعا كولىك قۇرالىن جۇرگىزۋ قۇقىعىنان ايىرىلدى»، - دەپ حابارلايدى سوتتان.

سوت ۇكىمى ءالى كۇشىنە ەنگەن جوق.

ەسكە سالا كەتسەك، وسى جىلدىڭ ماۋسىم ايىندا نۇر-سۇلتان قالاسىندا ماس ايەل ءۇش ادامدى كولىگىمەن قاعىپ كەتكەن بولاتىن. قالالىق پوليتسيا دەپارتامەنتى حابارلاعانداي، 22-ماۋسىم كۇنى كەشكى ساعات 21.03 دا Mazda ماركالى كولىكتى تىزگىندەگەن ايەل بەيسەكوۆ كوشەسى جاعىنان قوسشىعۇل ۇلى كوشەسىمەن كەلە جاتىپ، جولدىڭ قارسى بەتىنە شىعىپ كەتكەن. وسىدان كەيىن ول جاياۋ ادامدار جۇرەتىن جولدا 2001، 2002 جانە 2018 -جىلى تۋعان ءۇش ادامدى قاققان. زارداپ شەككەن 19 جانە 18 جاستاعى بويجەتكەندەر مەن 2 جاسار ءسابي ءارتۇرلى دەنە جاراقاتىمەن اۋرۋحاناعا جەتكىزىلگەن.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات