+7 (701) 759 90 19
16 °С : نۇر-سۇلتان
14 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاقستاندا كوروناۆيرۋس جۇقتىرۋ كورسەتكىشى 2 ەسەگە جۋىق تومەندەدى

11 تامىز 12:31
:ءبولىسۋ
قازاقستاندا كوروناۆيرۋس جۇقتىرۋ كورسەتكىشى 2 ەسەگە جۋىق تومەندەدى

نۇر-سۇلتان. قازاقپارات - قازاقستاندا كوروناۆيرۋس جۇقتىرۋ كورسەتكىشى 2 ەسەگە جۋىق تومەندەدى.

بۇل تۋرالى ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ قولداۋى مەن تۇسىنىستىك تانىتۋىنىڭ ارقاسىندا ءبىز اۋرۋدى ستاتيستيكالىق ەسەپكە الۋعا كوشتىك. قازاقستان كلينيكالىق- ەپيدەميولوگيالىق مالىمەتتەر نەگىزىندە زەرتحانالىق ناقتىلاۋسىز كوروناۆيرۋس ينفەكتسياسى جاعدايلارىن تىركەۋدى العاشقىلاردىڭ ءبىرى بولىپ قولعا الدى. بۇل ەڭ ءبىرىنشى كەزەكتە ەل حالقىنىڭ ىندەت اۋقىمىن ءتۇسىنۋ ءۇشىن قاجەت بولدى»، - دەدى مينيستر.

ونىڭ اتاپ وتۋىنشە، ستاتيستيكاعا جاڭا ءادىس ەنگىزۋ توسەك-ورىن قورىن ايتارلىق كەڭەيتۋ ەسەبىنەن ستاتسيونارلىق ەم الاتىن پاتسيەنتتەر سانىن بارىنشا ۇلعايتۋعا مۇمكىندىك بەردى.

«بۇل جۇزدەگەن ءومىردى ساقتاپ قالدى. ويتكەنى، ادام ءومىرىن ساقتاپ قالۋ ءۇشىن قاجەتتى دەم الۋدى جاساندى قولداۋ تەك ستاتسيونارلىق جاعدايدا عانا كورسەتىلەدى»، - دەدى ول.

مينيستر دەرەگىنشە، كوروناۆيرۋس ىندەتىنە بايلانىستى جەدەل جاردەم شاقىرۋ 62 پايىزعا تومەندەگەن.

«قابىلدانعان شارالاردىڭ ارقاسىندا دەنساۋلىق ساقتاۋ جۇيەسىنە جۇكتەمەنىڭ نەگىزگى كورسەتكىشتەرىن تومەندەتۋگە قول جەتكىزىلدى. ەلىمىزدە ورتاشا ەسەپپەن اۋرۋدىڭ تاۋلىكتىڭ ءوسىمى 2 ەسەگە جۋىق تومەندەپ، ەمدەلىپ شىققاندار سانى 73,6 پايىزعا ارتتى»، - دەدى الەكسەي سوي.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات