17:09, 26 - شىلدە 2020 | GMT +6
نۇر- سۇلتاندا سارايشىق كوشەسى 2-تامىزعا دەيىن جابىلادى
نۇر- سۇلتان. قازاقپارات - كولىك جۇرگىزۋشىلەرى كەپتەلىسكە تۇسپەۋى ءۇشىن جول ءجۇرۋ باعىتىن الدىن- الا جوسپارلاۋى قاجەت، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.
قالالىق كولىك جانە جول- كولىك ينفراقۇرىلىمىن دامىتۋ باسقارماسىنىڭ حابارلاۋىنشا، سارايشىق كوشەسى بويىنداعى قاراساقال ەرىمبەت كوشەسىنەن جيەمبەت جىراۋ كوشەسىنە دەيىنگى ۋچاسكەدە جول- قۇرىلىس جۇمىستارىن جۇرگىزۋ جوسپارلانعان. وسىعان بايلانىستى 26 -شىلدە مەن 2 -تامىز ارالىعىندا وسى ۋچاسكەدەگى جول قوزعالىسى توقتاتىلادى. سوندىقتان قالا تۇرعىندارى مەن قوناقتارى جولدا كەپتەلىس بولماس ءۇشىن ءوز باعىتتارىن الدىن الا جوسپارلاعانى ءجون.
«قولايسىزدىق ءۇشىن كەشىرىم سۇرايمىز جانە جوندەۋ جۇمىستارىن جۇرگىزۋگە تۇسىنىستىكپەن قاراۋدى وتىنەمىز» دەلىنگەن حابارلامادا.