جەدەل جاردەم قىزمەتىنە قوڭىراۋ شالاتىندار سانى 2 ەسەگە ازايدى
قىزىلوردا وبلىسىندا ەپيدەميولوگيالىق احۋال كۇردەلى ۋاقىتتا شاقىرتۋ وتە كوپ تىركەلدى. دالىرەك ايتقاندا، ماۋسىم ايىندا جانە شىلدە ايىنىڭ العاشقى ون كۇندىگىندە تاۋلىگىنە 2500 دەن استام شاقىرتۋ ءتۇستى.
وسىلايشا اتالعان مەديتسينالىق قىزمەت تۇرىنە جۇكتەمە 2 ەسەگە ارتتى.
«جەدەل جاردەم قىزمەتىنىڭ ارتۋىنا بايلانىستى وڭىردە ءتيىستى شارالار قولعا الىندى. وبلىستاعى بارلىق ەمحانالار جانىنان 161 موبيلدى توپ قۇرىلدى. قازىرگى تاڭداعى موبيلدى توپتىڭ حالىققا جەدەل قىزمەت جاساۋى وڭ ناتيجەسىن بەردى. وسىنىڭ اسەرىنەن جانە احۋالدىڭ تۇراقتالۋىنا بايلانىستى وبلىستا شاقىرتۋ سانى دا ازايدى»، - دەپ ءمالىم ەتتى جەدەل جاردەم قىزمەتىنىڭ ماماندارى.
قازىر جەدەل جاردەم بويىنشا جالپى شاقىرۋ ەپيدەميولوگيالىق احۋال كۇردەلى ۋاقىتتاعىدان 2 ەسەگە ازايدى. ال دەنە قىزۋىمەن حابارلاسقان تۇرعىندار 3 ەسەگە كەمىدى.
وعان قوسا پنيەۆمونيا بويىنشا شاقىرتۋلار 2,5 ەسەگە ازايدى. قازىرگى تاڭدا تاۋلىگىنە 1200-1300 شاقىرتۋ تۇسەدى.
بۇعان دەيىن قىزىلوردا وبلىسىندا اۋىل جاستارىنىڭ اۋرۋحاناعا قول ۇشىن سوزعاندىعى حابارلانعان بولاتىن.