13:13, 21 - شىلدە 2020 | GMT +6
ەلوردادا كوروناۆيرۋسپەن اۋرۋحاناعا جاتقىزىلعان ناۋقاستاردىڭ سانى 2 ەسە ازايعان
نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ كوروناۆيرۋسپەن اۋرۋحاناعا جاتقىزىلعان ناۋقاستاردىڭ سانى 2 ەسە ازايعانى بايقالاتىنىن ءمالىم ەتتى، دەپ حابارلايدى قازاقپارات ءتىلشىسى.
«اۋرۋحاناعا جاتقىزىلعان ناۋقاستاردىڭ سانى 2 ەسە ازايعانى بايقالادى. بۇرىن كۇنىنە 500 گە تارتا ادام اۋرۋحاناعا جاتقىزىلاتىن بولسا، قازىرگى تاڭدا بۇل كورسەتكىش 200-250 ادامعا دەيىن ازايدى. ال ساۋىعىپ شىعاتىنداردىڭ سانى 2 ەسە ارتتى. قازىرگى ۋاقىتتا كۇنىنە 400 گە تارتا ادام ەمدەلىپ شىعۋدا»، - دەدى التاي كولگىنوۆ ۇكىمەت وتىرىسىندا.
ەسكە سالا كەتسەك، ۇكىمەت وتىرىسىندا ەلوردا اكىمى التاي كولگىنوۆ استانادا كارانتين رەجيمى ەنگىزىلگەننەن بەرى ك ۆ ي بويىنشا جاعدايدىڭ تۇراقتالعانىن ءمالىم ەتكەن بولاتىن. جەدەل جاردەمگە جۇگىنۋ سانى تاۋلىگىنە 4300 دەن 2 مىڭعا دەيىن تومەندەدى. شاقىرۋ سانى تاۋلىگىنە 3 مىڭنان 1400 گە ازايدى.