الماتى اكىمدىگى قىزمەتى 2 اپتاعا توقتايتىن مەكەمەلەردىڭ ءتىزىمىن جاسايدى
بۇل تۋرالى الماتى قالاسىنىڭ اكىمى باقىتجان ساعىنتايەۆ Facebook-تەگى پاراقشاسىندا جازدى، دەپ حابارلايدى قازاقپارات ءتىلشىسى.
«كوروناۆيرۋستىڭ تارالۋىنا جول بەرمەۋ جونىندەگى قالالىق كوميسسيانىڭ وتىرىسىندا قوسىمشا شەكتەۋ شارالارىن ەنگىزۋگە دايىندىق بارىسىن تالقىلادىق. مەملەكەتتىك كوميسسيانىڭ شەشىمىنە سايكەس قىزمەتى ەكى اپتاعا توقتاتىلاتىن كاسىپكەرلىك سۋبەكتىلەردىڭ ءتىزىمىن انىقتايمىز. ال قىزمەتىن جالعاستىراتىن مەكەمەلەر ءۇشىن سانيتارلىق قاۋىپسىزدىك بويىنشا قاتاڭ ەرەجەلەر بەلگىلەنبەك»، - دەپ جازدى اكىم.
سونىمەن قاتار، ول ەپيدەميولوگيالىق جاعدايدى تۇراقتاندىرۋ ءۇشىن الداعى 14 كۇندىك شەكتەۋلەردى بارىنشا ءتيىمدى جۇرگىزۋ ماڭىزدى ەكەنىن اتاپ ءوتتى.
«سىرقات تانۋ مەن اۋرۋحاناعا جاتقىزۋ دەڭگەيىنىڭ ديناميكاسىنا قاراي شەكتەۋ شارالارىن ۇزارتۋ نەمەسە توقتاتۋ تۋرالى شەشىم قابىلدانادى. بۇل ءبىزدىڭ ءارقايسىمىزعا بايلانىستى»، - دەپ تولىقتىردى ب. ساعىنتايەۆ.
اۆتور: الما مۇقانوۆا