قازگيدرومەت: شىلدەنىڭ 2 ءسى كۇنگى اۋا رايى بولجامى

نۇر-سۇلتان. قازاقپارات - وڭتۇستىك تسيكلون مەن ونىمەن بايلانىستى فرونتالدى بولىكتەر رەسپۋبليكانىڭ باسىم بولىگىندە اۋا رايىنىڭ قۇبىلىپ تۇرۋىنا ىقپال ەتەدى.

وسىعان قاراي ەلىمىزدىڭ كەي جەرلەرىندە كۇن كۇركىرەپ، جاۋىن جاۋسا، سولتۇستىك وڭىردە جانە ورتالىقتا كۇشتى جەل تۇرىپ، بۇرشاق جاۋۋى ىقتيمال.

ەلدىڭ تەك باتىسى مەن وڭتۇستىك-باتىسىندا كۇن اشىق بولادى. كەي جەرلەردە جەل كۇشەيىپ، سولتۇستىك-باتىستا تۇمان تۇسەدى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ.

اقمولا وبلىسىندا جەل كۇشەيىپ، بۇرشاق جاۋىپ، جەلدىڭ كۇشى سەكۋندىنا 15-20 م/قا جەتەدى.

كۇندىز قوستاناي، سولتۇستىك قازاقستان وبلىستارىنىڭ كەي جەرلەرىندە جەل كۇشەيىپ، جىلدامدىعى سەكۋندىنا 15/20 مەترگە جەتەدى.

تۇندە جانە تاڭ اتا قوستاناي وبلىسىندا تۇمان ءتۇسىپ، سولتۇستىك قازاقستان وبلىسىنىڭ ءبىرقاتار وڭىرىندە كۇشتى جەل تۇرىپ، تۇمان تۇسەدى.

قاراعاندى وبلىسىنىڭ ءبىرقاتار وڭىرىندە جەل كۇشەيىپ، بۇرشاق جاۋىپ، جەلدىڭ جىلدامدىعى سەكۋندىنا 15-20 مەتر، ەكپىنى 23-28 مەتر بولادى.

كۇندىز وڭتۇستىك- باتىستا 30 م/س جانە ودان دا جوعارى بولادى. شىعىس قازاقستان وبلىسىنىڭ ءبىرقاتار وڭىرىندە جەل سەكۋندىنا 15-20 مەترگە دەيىن كۇشەيەدى دەگەن بولجام بار.

جامبىل وبلىسىندا جەل كۇشەيىپ، جالدامدىعى سەكۋندىنا 15-20 مەترگە، ەكپىنى 23-28 مەترگە جەتەدى.

كۇندىز جانە تاڭ اتا وبلىستىڭ وڭتۇستىك باتىسىندا جەلدىڭ جىلدامدىعى سەكۋندىنا 30 مەتر جانە ودان دا جوعارى بولادى.

تۇركىستان وبلىسىنىڭ كەي جەرلەرىندە جەل كۇشەيىپ، جىلدامدىعى سەكۋندىنا 15-20 گە، كۇندىز ەكپىنى 23-28 مەترگە جەتەدى.

قىزىلوردا وبلىسىندا دا جەل كۇشەيىپ، جىلدامدىعى سەكۋندىنا 15-20 مەتر، ەكپىنى 23-28 مەترگە جەتەدى. بۇرشاق جاۋۋى ىقتيمال.

الماتى وبلىسىندا كۇن كۇركىرەپ، جەل سەكۋندىنا 15-20 مەتر جىلدامدىقپەن ۇيتقيدى. تۇركىستان، قىزىلوردا، جامبىل وبلىستارى مەن الماتى، قاراعاندى وبلىسىنىڭ كەي جەرلەرىندە جانە اقتوبە وبلىسىنىڭ وڭتۇستىك، اتىراۋ وبلىسىنىڭ باتىسىندا ءورت قاۋىپى ساقتالادى.