ەلوردادا ماس ايەل كولىگىمەن 2 جاسار بالا مەن ەكى قىزدى قاعىپ كەتتى

نۇر-سۇلتان. قازاقپارات - نۇر-سۇلتان قالاسىندا ماس ايەل ءۇش ادامدى كولىگىمەن قاعىپ كەتتى، دەپ حابارلايدى قازاقپارات.

قالالىق پوليتسيا دەپارتامەنتىنىڭ حابارلاۋىنشا، كەشە كەشكى ساعات 21.03 دا Mazda ماركالى كولىكتى تىزگىندەگەن ايەل بەيسەكوۆ كوشەسى جاعىنان قوسشىعۇل ۇلى كوشەسىمەن كەلە جاتىپ، جولدىڭ قارسى بەتىنە شىعىپ كەتكەن.

«وسىدان كەيىن ول جاياۋ ادامدار جۇرەتىن جولدا 2001، 2002 جانە 2018-جىلى تۋعان ءۇش ادامدى قاعىپ كەتتى. زارداپ شەككەن 19 جانە 18 جاستاعى بويجەتكەندەر مەن 2 جاسار ءسابي ءارتۇرلى دەنە جاراقاتىمەن اۋرۋحاناعا جەتكىزىلدى. كولىك جۇرگىزۋشىسى ورتا دارەجەدە ماس بولعان»، - دەلىنگەن دەپارتامەنتتىڭ حابارلاماسىندا.

اتالعان فاكت بويىنشا ق ر قىلمىستىق كودەكسىنىڭ 345-بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

ۇستالعان ايەل ۋاقىتشا وقشاۋلاۋ ورنىنا قامالدى.