مەملەكەت مەنشىگىنە 2 ميلليون گەكتار اۋىل شارۋاشىلىعى جەرى قايتارىلدى
«2019 -جىلى 5,6 ميلليون گەكتار پايدالانىلمايتىن جەر، ونىڭ ىشىندە شامامەن 800 مىڭ گەكتار ەگىستىك، 4,6 ميلليون گەكتار جايىلىم انىقتالدى. بۇل قاعاز ەسەپتەر نەگىزىندەگى ءداستۇرلى مونيتورينگ پەن اقپاراتتى سالىستىرىپ- تەكسەرۋ بارىسىندا ناقتىلاندى. اتالعان جەرلەر بويىنشا دەن قويۋ شارالارى قابىلدانعاننان كەيىن بۇگىنگى كۇنى 1,9 ميلليون گەكتاردى بۇرىنعى جەر پايدالانۋشىلار يگەرە باستادى؛ 1,1 ميلليون گەكتار جەر پايدالانۋشىلاردىڭ ءوز ەرىكتەرىمەن باس تارتۋى ارقىلى مەملەكەت مەنشىگىنە قايتارىلدى؛ 2,6 ميلليون گەكتاردى مەملەكەت مەنشىگىنە قايتارۋ ءۇشىن اكىمدىكتەر پروتسەسسۋالدىق سوت جۇمىستارىن جۇرگىزۋدە»، - دەدى ميينستر ورتالىق كومۋنيكاتسيالار قىزمەتىندەگى ونلاين كەزدەسۋدە.
ءمينيستردىڭ ايتۋىنشا، اۋىل شارۋاشىلىعى ماقساتىنداعى جەرلەردىڭ پايدالانىلۋىنا باقىلاۋدى كۇشەيتۋ ماقساتىندا 2019 -جىلعى 28 - قازاندا جەر كودەكسىنە جەردى قاشىقتىقتان زوندتاۋ ارقىلى اۋىل شارۋاشىلىعى جەرلەرىنە سيفرلىق مونيتورينگ جۇرگىزۋگە قاتىستى وزگەرىستەر ەنگىزىلدى. وسى جىلعى قاڭتاردا اۋىل شارۋاشىلىعى جەرلەرىن پايدالانۋدى عارىشتىق مونيتورينگتەۋ قاعيدالارى قابىلداندى.
«اقمولا، قوستاناي، شىعىس قازاقستان جانە ماڭعىستاۋ وبلىستارىندا ۆەب- پورتال ارقىلى اۋىل شارۋاشىلىعى ماقساتىنداعى جەرلەرگە مونيتورينگ جۇرگىزۋ جونىندەگى پيلوتتىق جوبا ىسكە قوسىلدى. ونىڭ ناتيجەسىندە جالپى الاڭى 7,3 ميلليون گەكتاردى قۇرايتىن جۇكتەلمەگەن 9061 جايىلىمدىق القاپ انىقتالدى. 2020 -جىلدىڭ 3 ايىنىڭ قورىتىندىلارى بويىنشا مەملەكەتتىك مەنشىككە 2 ميلليون گەكتاردان استام جەر قايتارىلدى»، - دەدى ساپارحان وماروۆ.