بلوكپوستاعى كولىك اپاتىنان كوز جۇمعان 2 پوليتسەي «ايبىن» وردەنىمەن ماراپاتتالدى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆتىڭ جارلىعىمەن بلوكپوستاعى اپات كەزىندە كوز جۇمعان ەكى پوليتسيا قىزمەتكەرى مەملەكەتتىك ناگرادالارمەن ماراپاتتالدى، دەپ حابارلايدى قازاقپارات اقورداعا سىلتەمە جاساپ.

***

قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى قاۋلى ەتەمىن:

1. قىزمەتتىك بورىشىن ۇلگىلى اتقارعانى، قۇقىق ءتارتىبىن قامتاماسىز ەتۋگە بەلسەنە قاتىسقانى ءۇشىن ناگرادتالسىن:

Ⅱ دارەجەلى «ايبىن» وردەنىمەن جانعازيەۆ جاراس سۇلتانعالي ۇلى (مارقۇم) - ىشكى ىستەر مينيسترلىگى الماتى قالاسىنىڭ پوليتسيا دەپارتامەنتى پاترۋلدىك پوليتسيا پولكىنىڭ قىزمەت ينسپەكتورى؛

Ⅲ دارەجەلى «ايبىن» وردەنىمەن ابدىقانوۆ داستان ماراتجان ۇلى (مارقۇم) - ىشكى ىستەر مينيسترلىگى الماتى قالاسىنىڭ پوليتسيا دەپارتامەنتى پاترۋلدىك پوليتسيا پولكىنىڭ پوليتسەيى.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ق. توقايەۆ نۇر- سۇلتان، اقوردا، 2020 -جىلعى 26 -مامىر № 339

***

ەسكە سالساق، قايعىلى وقيعا 25-مامىر كۇنى تاڭعا جۋى № 4 بلوكپوستا بولعان. BMW جۇرگىزۋشىسى ماس كۇيىندە بەتون قورشاۋعا سوعىلىپ بارىپ، ينەرتسيامەن پاترۋلدىك پوليتسيا كولىگىن سوققان. سونىڭ كەسىرىنەن ەكى پوليتسيا قىزمەتكەرى كوز جۇمدى. ءۇشىنشى پوليتسيا قىزمەتكەرى جانساقتاۋ بولىمىندە جاتىر. اپاتقا كىنالى جۇرگىزۋشى بۇرىن پوليتسيادا جۇمىس ىستەگەن.