+7 (701) 759 90 19
28 °С : نۇر-سۇلتان
31 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

كوروناۆيرۋس جۇقتىرعان 2 جاسار ءبۇلدىرشىننىڭ دەنساۋلىعى وڭالىپ كەلەدى

31 ناۋرىز 16:23
:ءبولىسۋ
كوروناۆيرۋس جۇقتىرعان 2 جاسار ءبۇلدىرشىننىڭ دەنساۋلىعى وڭالىپ كەلەدى

الماتى. قازاقپارات - الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ونلاين بريفينگ بارىسىندا ەپيدەميولوگيالىق احۋال تۋرالى باياندادى، دەپ حابارلايدى قازاقپارات ءتىلشىسى.

«ەكى جاسار بالانىڭ دەنساۋلىعى جاقساردى، بۇگىنگى كۇنى قاناعاتتانارلىق جاعدايدا. بۇگىن سوڭعى تالداۋلارىن كۇتۋدەمىز، ەگەر ولار تەرىس ناتيجە بەرسە، وندا اۋرۋحانادان شىعارۋعا دايىنبىز»، - دەدى ت. ابىلدايەۆ.

ونىڭ ايتۋىنشا، بۇگىندە قالالىق جۇقپالى اۋرۋلار اۋرۋحانالارىندا بارلىعى 76 پاتسيەنت كوروناۆيرۋستان ەمدەلىپ جاتىر. ونىڭ ىشىندە 2- ءى بالا. « ەمدەۋگە جاتقىزىلعانداردىڭ ءبىرى الماتى وبلىسىنىڭ تۇرعىنى ەكەنى انىقتالدى. 1971 - جىلى تۋعان ايەل ج ر ۆ ي بەلگىلەرىمەن جاعدايى ناشارلاپ الماتىنىڭ كوپ بەيىندى كلينيكالىق اۋرۋحاناسىنا جۇگىنگەن. وعان زەرتتەۋلەر جۇرگىزىلىپ، ەكى جاقتى تومەنگى دارەجەلى پنيەۆمونيا انىقتالدى. COVID 2019-عا دا تالداۋلار الىندى، ناتيجەسى راستالدى. 30-ى كۇنى ول ءبىزدىڭ قالالىق جۇقپالى اۋرۋلار اۋرۋحاناسىنا ەمدەۋگە جاتقىزىلدى»، - دەدى باسقارما باسشىسى.

باسقارما باسشىسىنىڭ ايتۋىنشا، 66 ناۋقاستىڭ جاي- كۇيى - قاناعاتتانارلىق. 1 ەرەسەك ادامنىڭ جاعدايى اۋىر. 9 ەرەسەك ادامنىڭ جاعدايى ورتاشا دەپ باعالانىپ وتىر.

« جاڭادان انىقتالعان 9 ادامنىڭ بارلىعى باسقا جاقتان كەلگەندەر. 30 - ناۋرىزدا ىستانبۇل- الماتى رەيسىمەن بەس ادام ۇشىپ كەلدى. التىنشى پاتسيەنت 29 - ناۋرىزدا مينسك- الماتى رەيسىمەن جانە وسى ايدىڭ ءار كۇندەرى دۋبايدان ءۇش ادام ۇشىپ كەلدى»، - دەدى ت. ابىلدايەۆ.

قازىر الماتىدا پروۆيزورلىق ورتالىقتاردا 697 ادام كارانتيندە جاتىر، ونىڭ ىشىندە - 84 بالا، ەكى كۇندىك كارانتيندە 1029 ازامات جانە 3156 ادام ءۇي كارانتينىندە جاتىر. ال الماتىدا كوروناۆيرۋس ينفەكسياسىنان 7 ادام جازىلىپ شىققانىن مۇنىڭ الدىندا حابارلاعانبىز.

اۆتور: گۇلميرا عوسمانالي


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات