وسكەمەندە ان-2 ۇشاعى اپاتتى جاعدايدا قوندى

نۇر-سۇلتان. قازاقپارات - ازاماتتىق اۆياتسيا كوميتەتىنىڭ حابارلاۋىنشا، ۇشاق بورتىندا بەس ادام بولعان، دەپ حابارلايدى قازاقپارات ءتىلشىسى.

«ورلان 2000» اۋە كومپانياسىنىڭ ان-2 اۋە كەمەسى سانيتارلىق تاپسىرما بويىنشا وسكەمەن - اقسۋات باعىتى بويىنشا ساپاردى ورىنداعان. ساعات 12.50 كەزىندە ەكيپاج قوزعالتقىشتىڭ شتاتتان تىس جاعداي تۋرالى بايان ەتتى. اۋە كەمەسىنىڭ كومانديرى وسكەمەن اۋەجايىنان ءبىر جارىم شاقىرىمدا ورنالاسقان اۋدانعا ءماجبۇرلى تۇردە قونۋ تۋرالى شەشىم قابىلدادى. بورتتا 5 ادام - 3 ەكيپاج مۇشەسى مەن 2 قىزمەتتىك جولاۋشى بولعان. ءبارى امان»، - دەپ حابارلايدى ازاماتتىق اۆياتسيا كوميتەتىنەن.

ق ر يندۋستريا جانە ينفراقۇرىلىمدىڭ دامۋ مينيسترلىگىنىڭ اۆياتسيالىق وقيعالاردى تەرگەۋ جونىندەگى باسقارماسى بولعان وقيعا بويىنشا تەرگەۋ جۇرگىزىپ جاتىر.