+7 (701) 759 90 19
19 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قىتايدا كوروناۆيرۋستان قايتىس بولعاندار سانى 2 مىڭنان استى

19 اقپان 10:15
:ءبولىسۋ
قىتايدا كوروناۆيرۋستان قايتىس بولعاندار سانى 2 مىڭنان استى

بەيجىڭ. قازاقپارات - قىتايدا جاڭا كوروناۆيرۋستان قايتىس بولعاندار سانى 2 مىڭ ادامنان استى، دەپ حابارلايدى قازاقپارات ق ح ر گيگيەنا جانە دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتكە سىلتەمە جاساپ.

وتكەن تاۋلىكتە (18- اقپان ساعات 24:00-دەگى جاعداي بويىنشا) قۇرلىقتىق قىتايدا 1749 جاڭا كوروناۆيرۋس جۇقتىرۋ جاعدايى انىقتالدى (حۋبەي پروۆينتسياسىندا - 1693)، 136 ادام قايتىس بولدى. 1824 ادام ەمدەلىپ شىقتى (حۋبەيدە 1266 ادام).

سوڭعى دەرەكتەر بويىنشا، ق ح ر- دا كوروناۆيرۋس جۇقتىرعاندار سانى 74185 ادامدى قۇراپ وتىر، قايتىس بولعاندار سانى - 2004، ەمدەلىپ شىققاندار - 14376 ادام.

قازىرگى ۋاقىتتا ناۋقاستارمەن تىعىز بايلانىستا بولعان 135 مىڭ ادام مەديتسينالىق باقىلاۋعا الىنعان.

رەسمي ستاتيستيكاعا سايكەس، ىندەتتىڭ وشاعىنا اينالعان حۋبەي پروۆينتسياسىنان تىس ماتەريكتىك قىتايدا كوروناۆيرۋس دياگنوزى قويىلعان ناۋقاستار سانى ون بەسىنشى كۇن قاتارىنان تومەندەپ كەلەدى.

گونكونگتا كوروناۆيرۋس جۇقتىرعان 62 ادام تىركەلدى، ماكاودا (ا و م ە ن) - 10، تايۆاندا - 22. سوڭعى مالىمەتتەر بويىنشا، قازاقستانمەن شەكارالاساتىن ق ح ر شىڭجاڭ-ۇيعىر اۆتونوميالىق ولكەسىندە (ش ۇ ا و) كوروناۆيرۋس جۇقتىرعان 76 ادام تىركەلگەن، ونىڭ ىشىندە ىلە-قازاق اۆتونوميالىق وبلىسىندا (ءى ق ا و) سۋار - 18، ءۇرىمجى قالاسىندا - 23.

قازىرگى ۋاقىتتا شىڭجاڭدا 5 مىڭنان استام ادام مەديتسينالىق باقىلاۋدا. مەديتسينالىق مەكەمەلەردەن 12 ناۋقاس ەمدەلىپ شىقتى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات